დავით აღმაშენებლის სახელობის ეროვნული თავდაცვის აკადემია სამაგისტრო კურსს იწყებს. წელს პირველად აბიტურიენტებს თავდაცვის ანალიზის სპეციალობაზე მიიღებენ.

ეროვნული თავდაცვის აკადემიის სამაგისტრო პროგრამის დეტალებზე დღეს თავდაცვის სამინისტროში იმსჯელეს. აკადემიის ხელმძღვანელობამ თავდაცვის მინისტრს თინათინ ხიდაშელს სამაგისტრო პროგრამის შესახებ პრეზენტაცია წარუდგინა. პრეზენტაციის შემდეგ შეხვედრის მონაწილეებმა სამაგისტრო პროგრამის პრიორიტეტებსა და მიმართულებებზე იმსჯელეს.

თავდაცვის სამინისტროში გამართულ შეხვედრას საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე, გენერალური შტაბის უფროსის პირველი მოადგილე, პოლკოვნიკი ომარ ბეგოიძე, აკადემიის რექტორის მოვალეობის შემსრულებელი, პოლკოვნიკი ვასილ კოპეიკინი და შეიარაღებული ძალების წარმომადგენლები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა