საქართველოს შეიარაღებული ძალების გენერალური შტაბის სამხედრო პოლიციის დეპარტამენტს 27 კვალიფიცირებული სამხედრო პოლიციელი შეემატა.

თავდაცვის სამინისტროს ინფორმაციით, სამხედრო პოლიციის გადამზადების მეორე კურსის გამოშვების საზეიმო ცერემონიალი დღეს, დავით აღმაშენებლის სახელობის ეროვნულ თავდაცვის აკადემიაში გაიმართა.

უწყების ცნობით, კურსდამთავრებულებს სწავლის დასრულება  თავდაცვის მინისტრის პირველმა მოადგილემ, გოჩა რატიანმა, გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ, საქართველოს ეროვნული თავდაცვისა და შინაგან საქმეთა სამინისტროს აკადემიების ხელმძღვანელმა პირებმა  და საქართველოს შეიარაღებული ძალების  წარმომადგენლებმა მიულოცეს.

ცერემონიალის დასასრულს  კურსდამთავრებულებს შესაბამისი სერთიფიკატები გადაეცათ.

გადამზადების კურსი სამხედრო პოლიციელების კვალიფიკაციის ამაღლებას, სამხედრო პოლიციელისათვის საჭირო უნარ-ჩვევების  შემუშავებას ისახავდა მიზნად. 19 კვირიანი სასწავლო  კურსის განმავლობაში თეორიული და პრაქტიკული მეცადინეობები ორ ეტაპად, ეროვნულ თავდაცვის აკადემიასა და შინაგან საქმეთა სამინისტროს აკადემიაში ჩატარდა. კურსის ფარგლებში მსმენელები ქვეითი საცეცხლე ჯგუფის ზომის ქვედანაყოფის მართვასა და  ადმინისტრაციული  სამართალდარღვევების გამოვლენისა და აღკვეთის პრინციპებს დაეუფლნენ.  ისინი სისხლის სამართლის კოდექსის ზოგად პრინციპებსა და  კოდექსის შესაბამისი ნორმების გამოყენების საკითხებსაც გაეცნენ.

სასწავლო პროგრამა სამხედრო პოლიციის დეპარტამენტში მიმდინარე რეფორმების ფარგლებში განხორციელდა. პროგრამის შედგენაზე  ეროვნული თავდაცვისა და შინაგან საქმეთა სამინისტროს აკადემიების წარმომადგენლებმა ერთობლივად იმუშავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს