ატომური ენერგიის საერთაშორისო სააგენტო (IAEA) ადასტურებს, რომ აშშ-ისა და ისრაელის მიერ ბოლო სერიული დარტყმების შედეგად ნათანზის ქალაქში მდებარე ბირთვული ობიექტის რამდენიმე შენობა დაზიანდა.

თავდაპირველად ინფორმაცია, რომ აშშ-ისა და ისრაელის სამხედრო ოპერაციების სამიზნე ნათანზის ბირთვული ობიექტი გახდა გაერთიანებული ერების ორგანიზაციის ელჩმა, რეზა ნაჯაფიმ გაავრცელა. დიპლომატმა თქვა, რომ დარტყმების ირანის ბირთვულ ინფრასტრუქტურაზე კვირას განხორციელდა.

ატომური ენერგიის საერთაშორისო სააგენტომ გააანალიზა მიღებული სატელიტური ფოტოები და დაადგინა, რომ დაზიანებულია შენობები, რომლებიც მიწისქვეშა ურანის გამდიდრების ქარხნის შესასვლელთან მდებარეობს.

ამასთან, სააგენტო აღნიშნავს, რომ "რადიაციის გავრცელების თვალსაზრისით რაიმე შედეგი მოსალოდნელი არ არის".

სააგენტო X-ზე წერს, რომ თავად ქარხანას დამატებითი დაზიანება არ მიუღია.

აღსანიშნავია, რომ გასული წლის ზაფხულში აშშ-ისა და ისრაელის მიერ განხორციელებული დარტყმების შედეგად ნათანზის ურანის გამდიდრების ქარხანა მნიშვნელოვნად დაზიანდა.

ავტორი: ექსპრესნიუსი,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს