2026-03-03 14:50:36, 3222 ნახვა
საზოგადოება
შსს: ნარკოდანაშაულის ბრალდებით იმერეთის პოლიციის დეპარტამენტის თანამშრომელი დავაკავეთ
შსს-ს ცნობით, გენერალურმა ინსპექციამ ნარკოდანაშაულის ბრალდებით იმერეთის პოლიციის დეპარტამენტის თანამშრომელი დააკავა.
განცხადების თანახმად, დაკავებულია 1999 წელს დაბადებული ლ.ჩ. - ნარკოტიკული საშუალების უკანონო შეძენა-შენახვის ბრალდებით.
"სამართალდამცველებმა იმერეთის პოლიციის დეპარტამენტის თანამშრომლის - ლ.ჩ.-ს პირადი ჩხრეკისას, დიდი ოდენობით ნარკოტიკული საშუალება „მეთადონი“ ნივთმტკიცებად ამოიღეს.
გამოძიება სისხლის სამართლის კოდექსის 260-ე მუხლის მე-2 ნაწილის ,,ა” ქვეპუნქტით მიმდინარეობს, რაც 8 წლამდე ვადით თავისუფლების აღკვეთას ითვალისწინებს", - ვკითხულობთ განცხადებაში
ავტორი: ექსპრესნიუსი,
epn.ge (@expressnews.ge)
