გერმანიის მთავრობის წარმომადგენელმა „ასოშიეითედ პრესს“ განუცხადა, რომ გერმანია წინასწარ იყო ინფორმირებული ირანზე ისრაელის სამხედრო დარტყმების შესახებ. მან აღნიშნა, რომ ბერლინი ყურადღებით აკვირდება მოვლენებს და მჭიდრო კონსულტაციებს აწარმოებს ევროპელ პარტნიორებთან.

გერმანიის მთავრობის კრიზისული ჯგუფი დღეს ირანში არსებული სიტუაციის განხილვას გეგმავს. კანცლერმა მერცმა უკვე გამართა კონსულტაციები შესაბამის მინისტრებთან და დღესვე გააგრძელებს დისკუსიებს.

ირანის საგარეო საქმეთა მინისტრმა არაღჩიმ თავის ერაყელ კოლეგასთან, სადამ ჰუსეინთან სატელეფონო საუბრისას განაცხადა, რომ თეირანი რეგიონში ამერიკულ ბაზებს დაარტყამს ამერიკა-ისრაელის ერთობლივი საჰაერო დარტყმების საპასუხოდ. თუმცა, მინისტრმა განმარტა, რომ ეს თავდასხმები მესამე ქვეყნების წინააღმდეგ არ არის მიმართული, არამედ სამხედრო ობიექტების სამიზნეა.

საომარი მოქმედებების დაწყების შემდეგ განვითარებულ მოვლენებთან დაკავშირებით არაღჩიმ აღნიშნა, რომ „ირანი გააგრძელებს თავის დაცვას“.

ისრაელისა და აშშ-ის ირანში განლაგებულ სამიზნეებზე იერიშები 28 თებერვლის დილით დაიწყო, ბირთვული შეთანხმების დადების მიზნით აშშ-ირანის მოლაპარაკებების რამდენიმე წარუმატებელი რაუნდის შემდეგ. აშშ დაჟინებით მოითხოვს, რომ თეირანმა უარი თქვას ბირთვული იარაღის პროგრამაზე და ვაშინგტონს გადასცეს გამდიდრებული ურანის ყველა მარაგი.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს