„იმედის“ მიერ საკუთარი ბანკის შექმნის ინიციატივას ეკონომიკის ექსპერტი გიორგი ხიშტოვანი მკვეთრად აკრიტიკებს და აცხადებს, რომ მსგავსი გადაწყვეტილება „პატარა ბომბს“ ჰგავს, რომელმაც შესაძლოა ქვეყნის ფინანსურ სისტემას სერიოზული ზიანი მიაყენოს.

მისი შეფასებით, საუბარია ეროვნულ ბანკზე შესაძლო პოლიტიკურ წნეხზე და საფრთხეზე, რომ შეიქმნას „ჯიბის ბანკი“, რომელიც სანქციების არიდებას მოემსახურება.

"იმედის" ბანკის შექმნა არის პატარა ბომბი, რომელიც შეიძლება, აფეთქდეს ქვეყანაში და ააფეთქოს მთელი ფინანსური სისტემა. ამ გადაწყვეტილებით, რომელიც, იმედი მაქვს, არ არის შესაძლებელი, რომ ქნან, ფაქტობრივად, მიდის ეროვნული ბანკის შანტაჟი. შანტაჟი, ამ შემთხვევაში, მიდის "იმედის" მხრიდან და "ქართული ოცნების" მხრიდან. ახლა, ჩათვალეთ, რომ ფაქტობრივად, ცაიტნოტშია ეროვნული ბანკი, რომ დაეხმაროს "იმედი ბანკს"  საქმიანობის დაწყებაში. უდიდეს წნეხი იქნება ბანკის პრეზიდენტზე, პოლიტიკური წნეხი იქნება მასზე, ბანკის თანამშრომლებზე იქნება უდიდესი წნეხი. ფაქტობივად, იქნება "ჯიბის ბანკი", სანქციების არიდების მიზნით შექმნილი და თუ ასეთ ბანკს მისცა ეროვნულმა ბანკმა საქართველოში საქმიანობის ლიცენზია, ეს იქნება კატასტროფა და ეს მიწასთან გაასწორებს ჩვენი ფინანსური სისტემის სანდოობას და რეპუტაციას, - ამბობს გიორგი ხიშტოვანი. 

ტელეკომპანია „იმედი“, რომელიც დიდმა ბრიტანეთმა ტელეკომპანია POSTV-სთან ერთად დაასანქცირა, საკუთარ ბანკს ქმნის.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით