კომპანიებს მძღოლების და კურიერების პოზიციაზე კადრების მოძიება და შენარჩუნება უჭირთ - განაცხადა „საქმიანი დილის“ ეთერში hr ge-ის ვებგანყოფილების გაყიდვების დირექტორმა.

 "2025 წელს, 2024 წელთან შედარებით, ჯამური ვაკანსიების რაოდენობა 7%-ით შემცირდა, თუმცა მძღოლების, კურიერებისა და გიდების მიმართულებით მცირე, დაახლოებით 5%-იანი ზრდა დაფიქსირდა. მიუხედავად ამისა, ეს ზრდა რაოდენობრივად დიდი არ ყოფილა, წლის განმავლობაში დაახლოებით 500 მძღოლის, 400 კურიერის

და მხოლოდ 30-მდე გიდის ვაკანსია გამოცხადდა. მნიშვნელოვანია აღინიშნოს, რომ ეს ვაკანსიები ხშირად არ არის უნიკალური, კომპანიები იმავე პოზიციებს თვიდან თვემდე ხელახლა აცხადებენ, რადგან კადრების მოძიება და შენარჩუნება უჭირთ, განსაკუთრებით მაღალი დენადობის გამო.

მძღოლის ვაკანსიების დაახლოებით 60% სადისტრიბუციო კომპანიებზე მოდის, სადაც ხშირად დამატებითი კვალიფიკაციაა საჭირო, მაგალითად, C კატეგორიის მართვის მოწმობა. დანარჩენი 40% ნაწილდება პირადი მძღოლისა და ტაქსის სეგმენტზე, სადაც კადრების დეფიციტი განსაკუთრებით მწვავეა. კურიერების შემთხვევაში, ვაკანსიებს ძირითადად მსხვილი საკურიერო კომპანიები აცხადებენ, თუმცა აქტიურობენ მცირე B2B საკურიერო სერვისებიც. ამ სფეროშიც კომპანიებს ერთჯერადი გამოცხადებით საჭირო რაოდენობის თანამშრომლის მოძიება იშვიათად გამოსდით, რის გამოც ვაკანსიების რეგულარული განახლება ხდება.

2026 წლის მიმდინარე მდგომარეობით, გამოცხადებულია დაახლოებით 40 მძღოლის, 25 კურიერის და მხოლოდ 2 გიდის ვაკანსია. გიდის პოზიციები შედარებით იშვიათად ქვეყნდება, რადგან ტურისტული კომპანიები ხშირად კადრებს რეკომენდაციებისა და პირადი კონტაქტების მეშვეობით არჩევენ.

რაც შეეხება კანდიდატების ბაზას, ამჟამად 150 000-ზე მეტი დარეგისტრირებული მომხმარებელია, ყოველდღიურად ემატება 100–120 ახალი კანდიდატი, მათ შორის დღეში დაახლოებით 2–3 უცხოელი. უცხოელი კანდიდატების ძირითადი ინტერესიც სწორედ მძღოლისა და კურიერის პოზიციებს უკავშირდება, რაც მათი კვალიფიკაციიდან გამომდინარეობს. ანაზღაურება ვაკანსიების მხოლოდ დაახლოებით 35%-შია მითითებული, ხოლო მძღოლისა და კურიერის პოზიციებზე ეს პრაქტიკა შედარებით იშვიათია და ძირითადად მხოლოდ მსხვილი პლატფორმები უთითებენ შესაძლო შემოსავლის დიაპაზონს“ | განაცხადა „საქმიანი დილის“ ეთერში hr.ge-ის ვებგანყოფილების გაყიდვების დირექტორმა ინგა შახბაზიანმა

ავტორი: ექსპრესნიუსი,

სოციალური ქსელები

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ

გიგა ავალიანის საქმის ერთ-ერთი ფიგურანტი ნია იმნაძე დააკავეს