ევროკომისია მზადყოფნას გამოთქვამს საქართველო დაუბრუნდეს ევროკავშირში გაწევრიანების გზას, თუ ქართველი მაღალჩინოსნები გადადგამენ ხელშესახებ ნაბიჯებს და შეცვლიან სამოქმედო კურსს - განცხადება ევროკომისიის წარმომადგენელმა საქართველოს საკითხზე დებატების დროს გააკეთა.

ჟან ბატისტ ლიბრა თვლის, რომ ახლა საქართველოს კანდიდატის სტატუსი მხოლოდ სახელია. 

კომისიის 2025 წლის ანგარიშმა საქართველოზე, მკაფიოდ ასახა ქართველი მაღალჩინოსნების მხრიდან პოლიტიკური ნების ნაკლებობა ევროკავშირის გზაზე პროგრესის მისაღწევად. ანგარიშმა ასახა გაფართოების პროცესის ფუნდამენტების უკუსვლა, ისევე როგორ, 9 ნაბიჯზე, რა პირობითაც, საქართველოს ევროკავშირის კანდიდატის სტატუსი მიენიჭა. კომისია საქართველოს მხოლოდ სახელობითად მიიჩნევს ევროკავშირის კანდიდატის სტატუსის მქონე ქვეყნად.

მაშინ როდესაც, ჩვენ ვუდასტურებთ სოლიდარობას ქართველ ხალხს და მათ ევროპულ მისწრაფებებს. ანგარიშის გამოქვეყნების შემდეგ, "ქართულმა ოცნებამ" გააგრძელა მტრული რიტორიკა ევროკავშირის წინააღმდეგ და მიიღო არასწორი ზომები, რომელსაც ქვეყანა არასწორი მიმართულებით მიჰყავს.

ევროკავშირის ინსტიტუციები, ისევე როგორც კომისია, საქართველოს დემოკრატიულ უკუსვლას, თანმიმდევრულად პასუხობს. კომისიამ შეამცირა მაღალი დონის პოლიტიკური კონტაქტები და შეაჩერა ორმხრივი დახმარება, რომელიც პირდაპირ მიემართებოდა ხელისუფლებას. კომისიამ დააინიცირა პროცედურები, რათა გააქტიურებულიყო უვიზო რეჟიმის შეჩერების მექანიზმების გადახედვა.

ევროკომისია მზადყოფნას გამოთქვამს საქართველო დაუბრუნდეს  ევროკავშირში გაწევრიანების გზას, თუ ქართველი მაღალჩინოსნები გადადგამენ ხელშესახებ ნაბიჯებს და შეცვლიან სამოქმედო კურსს"- თქვა მან  ევროპარლამენტის საგარეო საქმეთა კომიტეტში საქართველოს შესახებ ანგარიშის განხილვისას.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს