გერმანიის მთავრობამ თურქეთის ხელისუფლებას მოუწოდა, დაუყოვნებლივ გაათავისუფლოს საზოგადოებრივი მედია კომპანია Deutsche Welle-ს (DW) თურქული სამსახურის კორესპონდენტი ალიჯან ულუდაღი, რომელიც ანკარაში დააკავეს „პრეზიდენტ რეჯეფ თაიფ ერდოღანის საჯარო შეურაცხყოფისა და სოციალურ მედია პლატფორმა X-ზე „შეცდომითი ინფორმაციის საჯაროდ გავრცელების“ ბრალდებით.

„მოვუწოდებ თურქეთის მთავრობას, უზრუნველყოს ალიჯან ულუდაგის დაუყოვნებლივ გათავისუფლება“, - განაცხადა გერმანიის კულტურის სახელმწიფო მინისტრმა ვოლფრამ ვაიმერმა პარასკევს, 20 თებერვალს, ბერლინში და ულუდაგის წინააღმდეგ თურქეთის ხელისუფლების ბრალდებებს უსაფუძვლო უწოდა. „ჟურნალისტიკა დანაშაული არ არის“, - ხაზგასმით აღნიშნა ვაიმერმა. მან თქვა, რომ Deutsche Welle-ს და მის თანამშრომლებს უნდა შეეძლოთ „თავისუფლად და დამოუკიდებლად იმუშაონ თურქეთში მიმდინარე მოვლენების შესახებ“.

გერმანიის მთავრობის პრესსპიკერი: ჟურნალისტებს უნდა შეეძლოთ თავიანთი სამუშაოს თავისუფლად შესრულება
ბერლინის შეშფოთება თურქეთის ხელისუფლების მიერ გერმანელი ჟურნალისტის დაკავებასთან დაკავშირებით გერმანიის მთავრობის პრესსპიკერმა სებასტიან ჰილემაც გამოთქვა. მან ხაზი გაუსვა პრესისა და აზრის თავისუფლებას „დემოკრატიული საზოგადოებების განუყოფელი საფუძველი“. ჟურნალისტებს უნდა შეეძლოთ თავიანთი სამუშაოს თავისუფლად და შურისძიების შიშის გარეშე შესრულება, „და ეს, რა თქმა უნდა, თურქეთსაც ეხება“, - დასძინა ჰილემ.

სტამბოლის პროკურატურამ გუშინ გამოაცხადა ალიჯან ულუდაღის დაკავების შესახებ. მის წინააღმდეგ ბრალდებები დაკავშირებულია მის მიერ სოციალურ ქსელ X-ზე დაახლოებით წელიწადნახევრის წინ გამოქვეყნებულ პოსტთან. მასში რეპორტიორმა გააკრიტიკა თურქეთის ხელისუფლება ISIS-ის სავარაუდო მებრძოლების გათავისუფლების გამო. ულუდაღმა ასევე დაადანაშაულა თურქეთის მთავრობა კორუფციაში.

ამასობაში, თურქეთის სახელმწიფო საინფორმაციო სააგენტო Anadolu-მ გაავრცელა ინფორმაცია, რომ 20 თებერვალს სტამბოლის სასამართლომ ალიჯან ულუდაღის დაპატიმრების ორდერი გასცა თურქეთის პრეზიდენტის შეურაცხყოფის ბრალდებით.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს