ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, დავით ბაქრაძის განცხადებით, ევროპის სახალხო პარტიის პრეზიდენტის მიერ საქართველოში ვიზიტისას გაკეთებული კომენტარებიდან ცხადი გახდა, რომ არჩევნები არაა და არ შეიძლება იყოს ვიზალიბერალიზაციის სამიზნე.

დავით ბაქრაძის თქმით, არჩევნები საქართველოს ხელისუფლების სამიზნეა, რომ თავისუფალ და გამჭვირვალე გარემოში ჩაატაროს.

„ვფიქრობ, ვიზიტის დაწყების პირველი კომენტარებიდან ცხადი გახდა, რომ არჩევნები არაა და არ შეიძლება იყოს ვიზალიბერალიზაციის სამიზნე და ეს დაადასტურა ასევე თბილისში ვიზიტად მყოფმა ევროპარლამენტის იურიდიული კომიტეტის თავმჯდომარემ. არჩევნები, ესაა ჩვენი ხელისუფლების სამიზნე, რომ ჩავატაროთ თავისუფალი, გამჭვირვალე არჩევნები, კონსოლიდირებული და დეპოლარიზებული საზოგადოების ად გადავდგათ დიდი ნაბიჯი წინ, ევროპისკენ. ამ მიზეზით ძალიან მნიშვნელოვანია ისეთი საკითხის წარმატება, როგორიცაა ვიზალიბერალიზაცია. აქედან გამომდინარე, იმ რეფორმებზე, რაც საქართველომ დაასრულა, იმ რეფორმებზე, რომლებსაც მაღალი შეფასებები ჰქონდა ევროკომისიის მხრიდან, ვფიქრობ ჟოზეფ დოლი ვიზიტის პერიოდში ძალიან ხშირად გაიგებს და მე დარწმუნებული ვარ, რომ ყველა პარტია, ყველა სუბიექტი, ვისაც ექნება მასთან შეხვედრა, ხაზს გაუსვამს ამ პროცესის მნიშნველობას საქართველოსთვის და მისი მოსახლეობისთვის“, - განაცხადა ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მართვის მოწმობის არაგეგმური, 250 ლარიანი გამოცდა მხოლოდ შაბათობით ჩატარდება

ბერეკაშვილი: ეს იყო არა ფასების დაკლების, არამედ ფასების შემსწავლელი კომისია

დაბომბვის შემდეგ პირველად ისტორიაში, სერბეთმა ნატოსთან ერთად პირველი სამხედრო წვრთნა დაიწყო

საფრანგეთში, ნოროვირუსის აფეთქების გამო, კარანტინში მოათავსეს 1700 ადამიანის გადამყვანი საკრუიზო გემი