„საქართველოს ხელისუფლება გახდა იმ ავტოკრატიების მოკავშირე, რომლებიც „ვარშავასა და ლონდონზე მეტად იზიარებენ ჰეზბოლასა და ჰამასის ღირებულებებს“, - განაცხადა „ლელო - ძლიერი საქართველოს“ საგარეო ურთიერთობების მდივანმა გრიგოლ გეგელიამ, როდესაც კომენტირება გაუკეთა თბილისის მერიის გადაწყვეტილებას, მთაწმინდის ტელეანძა ირანის ეროვნული დროშის ფერებში გაენათებინა.

„სიმბოლურია, რომ დღეს თბილისს ავტოკრატიული ირანის დროშის ფერები აანთებს. რეჟიმის, რომელმაც სულ რამდენიმე დღეში ათასობით ადამიანი მოკლა და ათიათასობით დააპატიმრა. ეს საუკეთესოდ ასახავს საქართველოს დაღმავალ სპირალს.

იყო დრო, როდესაც თბილისს რეგიონში თავისუფლების ცენტრი წარმოადგენდა, რომელსაც იმედით უყურებდნენ სხვადასხვა ავტოკრატიის მიერ დევნილი ადამიანები. თუმცა, რუსეთს მომსახურე რეჟიმმა ამ მხრივაც მთლიანად გაანადგურა საქართველოს რეპუტაცია. საქართველო გახდა იმ ავტოკრატიების მოკავშირე, რომლებიც ვარშავასა და ლონდონზე მეტად იზიარებენ ჰეზბოლასა და ჰამასის ღირებულებებს.

„მთავარია ქართული ღირებულებებისა და ტრადიციების სრული დეგრადაცია, ამ ერის ისტორიული, ცივილიზაციური და საგარეო პოლიტიკური ვექტორის სრული უარყოფა.

რა გზავნილს უგზავნის ეს იმ ირანელებს, რომლებიც საკუთარი სიცოცხლის ფასად იბრძვიან თავისუფლებისთვის? რას ეუბნება ეს ამერიკის შეერთებულ შტატებს, ევროკავშირს და მთელ ცივილიზებულ საზოგადოებას?“ - განაცხადა გეგელიამ.

შეგახსენებთ, რომ 11 თებერვალს, თბილისის ტელეანძა ირანის ისლამური რესპუბლიკის დროშის ფერებში განათდა. ამ დღეს ირანმა 1979 წლის ისლამური რევოლუციის წლისთავი აღნიშნა.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში