ქუთაისის კლინიკა უნიქალ მედიში მომხდარ შემთხვევაზე, სადაც ექიმმა დანით მრავლობითი დაზიანებები მიიყენა, შინაგან საქმეთა სამინისტრომ გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს. ინფორმაცია ფორმულას შსს-ში დაუდასტურეს.

TV პირველთან თვითმხილველები ამბობენ, რომ ექიმის მიერ ცივი იარაღით მრავლობითი დაზიანებების მიყენებას წინ, სავარაუდოდ, კლინიკის დირექტორთან კახა ნურალიძესთან კონფლიქტი უძღოდა.

იქ მომუშავე ერთ-ერთი თანამშრომლის თქმით, დირექტორის მხრიდან ქალების შევიწროება სისტემურ ხასიათს ატარებდა და ამის შესახებ არაერთხელ მიმართა კლინიკის დამფუძნებლებს, რომ კახა ნურალიძე გაეთავისუფლებინათ.

"რამდენიმე კვირის წინ დამირკა თვითონ [დაშავებულმა ქალმა], როგორც დამფუძნებელი ამოდი და რამე ზომები მიიღეთ. ეს კაცი [კახა ნურალიძე] სიცოცხლეს გამომასალმებსო. მე თვითონ იმიტომ არ მოვედი აქ, რომ მეც ანალოგიურ მდგომარეობაში ვყავდი. [...] რამდენიმე თვეა, დამფუძნებლებთან ვცდილობთ, ეს კაცი გაუშვან თანამდებობიდან, თუმცა რეაგირება არ იყო", - აღნიშნავს თანამშრომელი.

სამედიცინო დაწესებულებაში ამჟამად საგამოძიებო მოქმედებები მიმდინარეობს.

კლინიკის დირექტორს მომხდართან დაკავშირებით განცხადება ჯერჯერობით არ გაუკეთებია. 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს