ექსპერტი საერთაშორისო საკითხებში, ვანო მაჭავარიანი საქართველოს მთავარ პროკურატურაში დაკითხვაზე იმყოფება.

როგორც დაკითხვამდე მაჭავარიანმა განაცხადა, ის პროკურატურაში დაბარებას მისი „ფეისბუქგვერდის“ გატეხვის ფაქტს უკავშირებს.

მაჭავარიანი ამბობს, რომ ის ჰაკერების სამიზნე პოლიტიკური განცხადებების გამო გახდა, რადგან მაჭავარიანი ღიად აფიქსირებდა თავის პოზიციას, რომ პროკურატურას საქმის გამოძიება მოკლე ვადებში შეეძლო, თუმცა ამის პოლიტიკურ ნება ხელისუფლებაში არ არსებობდა.

ვანო მაჭავარიანი „ფეისბუკში“ მის გაწევრიანების შესახებ საუბრობს და ამბობს, რომ ის ცოტა ხნის წინ იმ ჯგუფში გააწევრიანეს, სადაც ფარული ჩანაწერების გავრცელების შესახებ ინფორმაციები იდებოდა.

ვანო მაჭავარიანი ასევე მის წინააღმდეგ წარმოებულ კამპანიას ბიძინა ივანიშვილის უკავშირებს და აცხადებს, რომ „ჰაკერებმა მისი ფეისბუკ გვერდის გატეხვით ბიძინა ივანიშვილი გაახარეს“.

შეგახსენებთ, ვანო მაჭავარიანმა დღეს "TV პირველის" ეთერში „ვახო სანიას დღის ამბებში“ განაცხადა, რომ სოციალურ ქსელში სხვისი პირადი ცხოვრების ამსახველი კადრები გაუგზავნეს.

როგორც მაჭავარიანი აცხადებს, მას კადრები არ უნახავს, თუმცა ვიდეოკადრებს ედო ფოტოები, რომელზეც ჩანდა ორი ადამიანის ფიგურა და მეტყველებდა, რომ ეს ფარული კადრები იყო.

"მე მქონდა ორი კვირის წინ ინტერვიუ „მაესტროზე“,ძალიან მკაცრად ვისაუბრე იმ თემაზე, რომ ეს არის მთავრობის ხელი და მთავრობას ძალუძს, რომ ესეთი რამე აკეთოს და შევიდეს ინტერნეტსივრცეში. ზუსტად სამ დღეში მე დამიბლოკეს Facebook-ი და მაგრძნობინეს, რომ მათ აქვთ ამის შესაძლებლობა. გამომიგზავნეს ასევე კადრები, რომლებიც მე რა თქმა უნდა, არ გავხსენი. ეს ის კადრები იყო, რომელიც უნდა გავრცელდეს ინტერნეტსივრცეში. მომივიდა რამდენიმე გზავნილი, სადაც იყო შეთავაზება, ხომ არ გაინტერესებთ ნახოთ ეს კადრები. ეს იყო გამოგზავნილი გაუგებარი ინტერნეტ წყაროდან, რომელიც თავისთავად, ჩემთვის არ არის საინტერესო და მიმაჩნია, რომ ეს არის ბინძური შანტაჟის და დატერორების მცდელობა", - განაცხადა ვანო მაჭავარიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა