დავოსში, უკრაინის პრეზიდენტმა ვოლოდიმირ ზელენსკიმ გააკრიტიკა ევროპელი ლიდერები, რომლებიც რუსეთის ინტერესებიდან გამომდინარე მოქმედებენ და უნგრეთის პრემიერ-მინისტრ ვიქტორ ორბანზე მიანიშნა.

ეს განცხადება მან მსოფლიო ეკონომიკურ ფორუმზე გამოსვლისას გააკეთა.

ვოლოდიმირ ზელენსკიმ აღნიშნა, რომ ევროპა მხოლოდ მაშინ იქნება აღქმული გლობალურ მოთამაშედ, როდესაც მისი ქმედებები მის მოწინააღმდეგეებს, მათ შორის ევროკავშირის შიგნით მყოფებს, დააშინებს.

ამ კონტექსტში, პრეზიდენტმა ახსენა „ვიქტორი“ და განაცხადა, რომ ის და მისი მხარდამჭერები „დასჯას იმსახურებენ“.

„ჩვენ ყველანი ვხედავთ, რომ ევროპის განადგურების მცდელობის ძალები ერთ ღამეში არ ქრებიან; მათ შეუძლიათ თავისუფლად იმოქმედონ, თუნდაც ევროპაში. ყველა ვიქტორი, რომელიც ევროპული ფულით ცხოვრობს და ევროპული ინტერესების გაყიდვას ცდილობს, დასჯას იმსახურებს. და თუ ის თავს კომფორტულად გრძნობს მოსკოვში, ეს არ ნიშნავს, რომ ჩვენ უნდა დავუშვათ, რომ ევროპული დედაქალაქები „პატარა მოსკოვებად“ გადაიქცნენ“, - თქვა უკრაინის პრეზიდენტმა უნგრეთის პრემიერ-მინისტრ ვიქტორ ორბანზე მიანიშნებით.

ზელენსკიმ ასევე მოუწოდა ევროპელებს გაერთიანებული ევროპული არმიის შექმნისკენ.

გარდა ამისა, უკრაინის პრეზიდენტმა გააკრიტიკა რუსეთის აგრესიისთვის დასჯის ნელი ტემპი.

ავტორი: ექსპრესნიუსი,

სოციალური ქსელები

პაპუაშვილი ეპისკოპოსებზე: ვუსმენ კომენტარებს პოლიტიკის სფეროში ჩვეული სიძულვილის ენით

ევროკავშირის ელჩი: ევროპა ყოველთვის იყო საქართველოს ისტორიის ნაწილი

Amex ბარათით გადახდა უკვე „თეგეტა მოტორსშიც“ არის შესაძლებელი - დააგროვეთ 10ჯერ მეტი MR ქულა

პატრიარქობის კანდიდატის, ფოთისა და ხობის მიტროპოლიტ გრიგოლის პროგრამული ხედვა