2015-01-07 18:33:49, 3040 ნახვა
მსოფლიო
„Charlie Hebdo“-ს რედაქციაზე თავდასხმას მსოფლიო ლიდერები გამოეხმაურნენ
ფრანგული ჟურნალის „Charlie Hebdo“-ს რედაქციაზე თავდასხმას მსოფლიო ლიდერები გამოეხმაურნენ.
რედაქციაზე თავდასხმა გაერთიანებული სამეფოს პრემიერ-მინისტრმა დევიდ ქემერონმა დაგმო.
მისი თქმით, გაერთიანებული სამეფო ტერორიზმთან ბრძოლასა და პრესის თავისუფლების დაცვაში, ყოველთვის მხარს დაუჭერს.
ამასთან, ტერორისტული აქტი თეთრმა სახლმა მკაცრად დაგმო. თეთრის სახლის წარმომადგენლის ჯოშ ერნესტის განცხადებით, აშშ დაღუპულთა და დაზარალებულთა ოჯახებს უსამძიმრებს.
გერმანიის კანცლერის ანგელა მერკელის თქმით კი, პარიზის ტრაგედია არა მხოლოდ საფრანგეთის, არამედ სიტყვისა და პრესის თავისუფლებაზე თავდასხმაა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
