ქუთაისის საქალაქო სასამართლოში ჭიათურის პროტესტის მონაწილეების განაჩენი გამოცხადდა - მოსამართლე თამარ მაზანაშვილმა 4-ვე ბრალდებული დამნაშავედ ცნო და პატიმრობა მიუსაჯა.

საუბარია მერაბ სარალიძეზე, გიორგი ნეფარიძეზე, აჩიკო ჭუმბურიძესა და თენგო გველესიანზე.

მოსამართლის გადაწყვეტილებით, გიორგი ნეფარიძე და მერაბ სარალიძე დამნაშავედ იქნენ ცნობილი ჯგუფური ძალადობის ორგანიზებასა და მასში მონაწილეობაში - მათ სასჯელის სახით 6 წლითა და 3 თვით თავისუფლების აღკვეთა მიესაჯათ.

რაც შეეხება არჩილ ჭუმბურიძესა და თენგიზ გველესიანს - მოსამართლემ ისინი დამანშავედ ცნო ორგანიზებულ ჯგუფურ ძალადობაში მონაწილეობაში და მათ სასჯელის სახით 4 წელი და 3 თვე მიუსაჯა.

ჭიათურის პროტესტის მონაწილეები 2025 წლის 29 აპრილს დააკავეს. 

შინაგან საქმეთა სამინისტროს მტკიცებით, ბრალდებულები ჭიათურის მუნიციპალიტეტში, შუქრუთის მაღაროს დირექტორს, 1982 წელს დაბადებულ თ.კ.-ს ფიზიკურად დაუპირისპირდნენ და სხეულის სხვადასხვა არეში დაზიანება მიაყენეს.

მერაბ სარალიძესა და გიორგი ნეფარიძეს ბრალად ედებოდა შუქრუთის მაღაროს დირექტორზე ჯგუფური ძალადობის ორგანიზება და მასში მონაწილეობა [225-ე მუხლის 1-ლი ნაწილი], ხოლო არჩილ ჭუმბურიძესა და თენგიზ გველესიანს – ორგანიზებულ ჯგუფურ ძალადობაში მონაწილეობა [225-ე მუხლის მე-2 ნაწილი].

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს