„ქართული ოცნების" პრეზიდენტმა მიხეილ ყაველაშვილმა ოპოზიციურად განწყობილი საზოგადოების ნაწილი შეურაცხმყოფელი მეტაფორებით აღწერა და ისინი „ფეკალიების მჭამელ ბუზებს“ შეადარა. 

მისი თქმით, ის ბერი პაისის ათონელის შედარებას ეყრდნობოდა, რომელიც ადამიანებს „ბუზებად და ფუტკრებად“ ყოფს. ყაველაშვილის განმარტებით, „ბუზი“ არის ის, ვინც გამწვანებულ ბაღშიც კი კარგს ვერ ხედავს და მხოლოდ ნეგატივს ეძებს. ამ კონტექსტში მან ოპოზიციურად განწყობილი მედიისა და აქტივისტების ნაწილი „ბუზებად“ მოიხსენია და თქვა, რომ ისინი „ვერც პროგრესს, ვერც სიკეთეს და ვერც განვითარებას“ ხედავენ.

"ბერი პაისის ათონელის შეფასება არის ადამიანის კატეგორიებთან დაკავშირებით - ბუზის და ფუტკრის. ადამიანის ბუზს ადარებს იმ ადამიანებს, რომლებიც ყვავილებით, ხეხილით, ასე გამწვანებულ ბაღში, ბუზი რომ შეფრინდება, გადაუფრენს ყველა ხეხილს და ყვავილს და ღობის ძირში აუცილებლად მიაკვლევს ფეკალიას და იმით დაკმაყოფილდება.

აი, ბუზი ადამიანებს ვადარებ ჩვენდა სამწუხაროდ - ამ ადამიანებს, რომლებიც ზოგი მოწოდებით არიან, და ესეც ბუნებრივია ალბათ, რომ მხოლოდ ნეგატივს უნდა ხედავდნენ, მხოლოდ სიძულვილს უნდა ხედავდნენ, მხოლოდ ცუდს უნდა ხედავდნენ. ამაზე მაქვს საუბარი.

მაგრამ ყველაზე საცოდაობა იცით რა არის? რომ იცის, რომ ეს ბუზი, ეს ბოროტებაა, მაგრამ დავალებით ხდება ბუზი. აი, ეს ტელევიზიები, ეს რადიკალური ფრთა - პირდაპირ შეგვიძლია ვთქვათ, რომ ესენი არიან ბუზები. ბუზი ტელევიზიები, ბუზი აქტივისტები, რომლებიც ვერც პროგრესს ხედავენ, ვერც სიკეთეს ხედავენ, ვერც განვითარებას ხედავენ.

გინახავთ რომელიმე შეფასება ეკონომიკური განვითარების, სასამართლო სისტემის გამჭვირვალობის? ეს ხომ საერთაშორისო რეიტინგებზე მაქვს საუბარი - საერთაშორისო რეიტინგებით შეფასებულზე", - თქვა ყაველაშვილმა.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში