ისტორიული შენობების დასაცავად აშშ-ის კონგრესის მიერ შექმნილმა არაკომერციულმა ორგანიზაციამ, ისტორიული შენობების დაცვის ეროვნულმა ტრასტმა, თეთრი სახლის წინააღმდეგ სარჩელი შეიტანა, რომლითაც მას პრეზიდენტ დონალდ ტრამპის მიერ ინიცირებული ახალი საბანკეტო დარბაზის მშენებლობის შეჩერების მოთხოვნით უჩივლა.

ამის შესახებ BBC იტყობინება.

ისტორიული შენობების დაცვის ეროვნულმა ტრასტმა სარჩელი პარასკევს, 12 დეკემბერს შეიტანა, სადაც ამტკიცებს, რომ თეთრმა სახლმა ოქტომბერში ისტორიული აღმოსავლეთის ფრთის დანგრევამდე საჭირო ინსპექტირება ვერ ჩაატარა.

ჯგუფმა განაცხადა, რომ „იძულებული“ გახდა სარჩელი შეეტანა მას შემდეგ, რაც თეთრმა სახლმა უგულებელყო მათ მიერ ოქტომბერში გამოთქმული შეშფოთება.

„არცერთ პრეზიდენტს არ აქვს უფლებამოსილება, დაანგრიოს თეთრი სახლის ნაწილები ყოველგვარი ინსპექტირების გარეშე - არც პრეზიდენტ ტრამპს, არც პრეზიდენტ ჯო ბაიდენს და არც სხვას“, - ნათქვამია სარჩელში.

სარჩელში ჯგუფი აცხადებს, რომ ტრამპი არღვევს აშშ-ის კონსტიტუციას, „რომელიც კონგრესს ანიჭებს უფლებამოსილებას, განკარგოს და მიიღოს ყველა რეგულაცია შეერთებული შტატების საკუთრებაში არსებულ ქონებასთან დაკავშირებით“.

ეს სარჩელი საბანკეტო დარბაზის პროექტის პირველი სერიოზული სამართლებრივი გამოწვევაა.

ორგანიზაცია ვაშინგტონის ფედერალურ სასამართლოს სთხოვს, შეაჩეროს დამატების მშენებლობა მანამ, სანამ თეთრი სახლი „არ დაიცავს კანონს საჭირო განხილვის პროცესების დასრულებით“, მათ შორის საჯარო კომენტარის პერიოდის ჩათვლით.

„თეთრი სახლი უდავოდ ჩვენი ქვეყნის ყველაზე ემბლემატური შენობაა და ჩვენი ძლიერი ამერიკული იდეალების გლობალურად აღიარებული სიმბოლო“, - განაცხადა ისტორიული მემკვიდრეობის დაცვის ეროვნული ფონდის პრეზიდენტმა, კეროლ კვილენმა.

თეთრმა სახლმა, სარჩელზე საპასუხო განცხადებაში აღნიშნა, რომ „პრეზიდენტ ტრამპს აქვს სრული უფლება, მოახდინოს თეთრი სახლის მოდერნიზაცია, რეკონსტრუქცია და გალამაზება, როგორც ეს მისმა ყველა წინამორბედმა გააკეთა“.

როგორც ცნობილია, ტრამპის პროექტმა და ისტორიული თეთრი სახლის ნაწილის დანგრევამ ამ მიზნით მნიშვნელოვანი დავა და კრიტიკა გამოიწვია, თუმცა მხარდამჭერებიც არიან.

პროექტი 200-300 მილიონი დოლარი დაჯდება, რომლის დაფინანსებასაც კერძო დონორები უზრუნველყოფენ. თეთრი სახლის თქმით, საბანკეტო დარბაზი 650 ადგილს დაიტევს. ეს სამჯერ აღემატება თეთრი სახლის ამჟამინდელი უდიდესი, აღმოსავლეთ ოთახის ტევადობას.

ერთ-ერთი გამოკითხვის თანახმად, ამერიკელების უმრავლესობა არ ეთანხმება თეთრი სახლის აღმოსავლეთ ფრთის დანგრევას ტრამპის საბანკეტო დარბაზის ასაშენებლად.

ტრამპმა ცოტა ხნის წინ განაცხადა, რომ მის მიერ დაგეგმილი საბანკეტო დარბაზი დაახლოებით 18 თვეში დასრულდება.

ავტორი: ექსპრესნიუსი,

სოციალური ქსელები

ბათუმის აეროპორტმა ფრენები გადადო, ბათუმში თოვს

ისტორიული ძეგლების დაცვის ჯგუფი თეთრ სახლს ტრამპის საბანკეტო დარბაზის გამო უჩივის

უკრაინამ კასპიის ზღვაში მდებარე „ლუკოილის“ ნავთობპლატფორმებზე ბოლო ორი დღის განმავლობაში მეორე დარტყმა განხორციელდა

სარატოვში, „როსნეფტის“ ნავთობგადამამუშავებელ ქარხანაზე თავდასხმის დროს, დრონი საცხოვრებელ შენობას შეეჯახა, ორი ადამიანი დაიღუპა.