პარასკევს უნგრეთის პოლიციამ პროკურორებს სთხოვა, ბრალი წაეყენებინათ ბუდაპეშტის ლიბერალი მერის, გერგელი კორაჩონის წინააღმდეგ, ივნისში ლგბტქ+ უფლებების დამცველი აქციის ორგანიზებაში მისი როლის გამო, რომელიც მთავრობის საწინააღმდეგო პროტესტად გადაიქცა.

ამის შესახებ ინფორმაციას Reuters ავრცელებს.

28 ივნისს, ათიათასობით მომიტინგე ბუდაპეშტში მსვლელობაში მონაწილეობდა, როდესაც აკრძალული პრაიდი მასშტაბურ მთავრობის საწინააღმდეგო დემონსტრაციაში გადაიზარდა.

ბუდაპეშტის მთავარმა პროკურატურამ Reuters-ს დაუდასტურა, რომ პოლიციის გამოძიების მასალები მიიღო. მათ არ დაუკონკრეტებიათ, წაუყენებდნენ თუ არა ან რა ბრალდებებს წაუყენებდნენ.

„მე ვამაყობ, რომ ჩემი ქალაქის თავისუფლებისთვის ყველა პოლიტიკური რისკი ავიღე და სიამაყით წარვდგები სასამართლოში, რათა დავიცვა ჩემი და ჩემი ქალაქის თავისუფლება“, - თქვა კორაჩონიმ ხუთშაბათს Facebook გვერდზე გამოქვეყნებულ ვიდეოში.

ორბანის მთავრობა ბოლო ათწლეულის განმავლობაში მუდმივად ზღუდავდა ლგბტქ+ საზოგადოების უფლებებს და მარტში კანონმდებლებმა მიიღეს კანონი, რომელიც კრძალავს პრაიდის მსვლელობებს, ბავშვების დაცვის აუცილებლობის მოტივით.

ორბანის კრიტიკოსები ამ ნაბიჯს მომავალი წლის არჩევნების წინ დემოკრატიული თავისუფლებების უფრო ფართო რეპრესიების ნაწილად მიიჩნევენ.

კორაჩსონიმ აკრძალვის გვერდის ავლა სცადა პრაიდის მარშის მუნიციპალურ ღონისძიებად ორგანიზებით, რაც, მისი თქმით, ნებართვას არ საჭიროებდა.

პოლიციამ ღონისძიება მაინც აკრძალა იმ მოტივით, რომ ის ბავშვთა დაცვის კანონმდებლობას ექვემდებარებოდა, თუმცა მასობრივი მსვლელობა საბოლოოდ მშვიდობიანად წარიმართა.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში