უნგრეთის მთავრობამ სახელმწიფო არასრულწლოვანთა დაკავების ცენტრები პოლიციის პირდაპირი ზედამხედველობის ქვეშ მოაქცია, რათა თავიდან აიცილოს ძალადობის სკანდალის პოლიტიკური შედეგები.

როიტერის ციტირებით, ამის შესახებ, პრემიერ-მინისტრის ადმინისტრაციის უფროსმა, გერგელი გულიასმა განაცხადა.

ოპოზიციის ლიდერმა პეტერ მადიარმა ორბანს გადადგომისკენ და ვადამდელი არჩევნების ჩატარებისკენ მოუწოდა მას შემდეგ, რაც ოპოზიციის აქტივისტმა და ყოფილმა პარლამენტის წევრმა ბუდაპეშტში არასრულწლოვანთა დაკავების ცენტრში ფიზიკური ძალადობის ამსახველი ვიდეო გამოაქვეყნა.

„მთავრობამ გუშინდელ სხდომაზე გადაწყვიტა, რომ სოციალური უზრუნველყოფის სისტემაში (ამ დაწესებულებების) ამჟამინდელი მენეჯმენტი არასაკმარისია, რადგან მან ვერ შეძლო ამ დანაშაულების პრევენცია“, - განაცხადა გულიასმა ბრიფინგზე.

„ამიტომ, მთავრობამ გადაწყვიტა, რომ ეს ხუთი არასრულწლოვანთა დაკავების ცენტრი... პოლიციის პირდაპირი ზედამხედველობის ქვეშ მოექცევა“, - დასძინა მან.

გულიასის ცნობით, შინაგან საქმეთა მინისტრმა მთავრობას აცნობა, რომ პროკურატურა საქმეს იძიებს.

სამშაბათს საღამოს, გვიან გავრცელებულ ცალკე განცხადებაში, პროკურატურამ განაცხადა, რომ ბუდაპეშტში, სახელმწიფო არასრულწლოვანთა დაკავების ცენტრში სამი პირი დააკავეს და დამატებითი ინფორმაციის ოთხშაბათს გამოქვეყნებას დაჰპირდა.

პარლამენტის ყოფილი წევრის მიერ გამოქვეყნებულმა ვიდეომ ცენტრის მოვალეობის შემსრულებელი დირექტორის გადადგომა გამოიწვია.

პროკურორები ბუდაპეშტში იმავე ცენტრის ყოფილ დირექტორს რამდენიმე თვის განმავლობაში იძიებდნენ პროსტიტუციის ქსელის ხელმძღვანელობაში, ფულის გათეთრებასა და ადამიანებით ვაჭრობაში ეჭვმიტანილად.

ოპოზიციის ლიდერმა მადიარმა ოთხშაბათს ორბანის ოფისში დემონსტრაციისა და მსვლელობისკენ მოუწოდა შაბათს პროტესტის ნიშნად.

მადიარმა თავისი პარტია „ტიზა“ გასულ წელს დააარსა სკანდალის შემდეგ, რამაც ვიქტორ ორბანის მოკავშირის, პრეზიდენტ კატალინ ნოვაკის გადადგომა გამოიწვია, როდესაც გაირკვა, რომ მან ბავშვზე სექსუალური ძალადობის საქმეში შეწყალება გამოაცხადა.

ეს ეპიზოდი იშვიათი და სერიოზული პოლიტიკური დარტყმა იყო ორბანისთვის, რომელიც ხელისუფლებაში 2010 წლიდან არის.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში