რუსმა ჭადრაკის ლეგენდამ და ოპოზიციონერმა პოლიტიკოსმა გარი კასპაროვმა ჰალიფაქსის საერთაშორისო უსაფრთხოების ფორუმზე აშშ-ის პოზიცია უკრაინასთან დაკავშირებით გააკრიტიკა. ვიდეო ფორუმის YouTube არხზე 21 ნოემბერს გამოქვეყნდა.

კასპაროვის თქმით, უკრაინა ამჟამად ერთადერთი ძალაა, რომელიც რუსეთის აგრესორ არმიას აკავებს და ხელს უშლის მას ევროპაში უფრო შორს წინსვლაში.

 რაც აქ ხდება, არის შოუ, რომელზეც პუტინი ვერც კი იოცნებებდა - არც ერთი პირდაპირი პასუხი.
 საკითხი საერთოდ არ არის იარაღის რაოდენობაში, რომელიც თქვენ გაქვთ. საკითხი იმაში მდგომარეობს, მზად ხართ თუ არა ბრძოლისთვის და სიკვდილისთვის. 
 თქვენ ამბობთ, რომ გყავთ კანადური ბრიგადა ლატვიაში. შესანიშნავია, მაგრამ თუ რუსები საზღვარს გადაკვეთენ, ეს ბრიგადა გაისვრის? ჩვენ ხომ ვიცით პასუხი: თქვენ კვირების განმავლობაში იმსჯელებთ ამაზე. 
 ვერ ვხვდები, როგორ შეიძლება სერიოზულად განიხილო "სამშვიდობო გეგმა“, რომელიც ტრამპის ბიზნეს პარტნიორმა შეთხზა. ეს უძრავი ქონების გარიგებაა, ცინიკური სქემა ტრამპის ოჯახის გასამდიდრებლად და  უკრაინის გაყიდვის ფასად. როგორ შეგვიძლია საერთოდ ვთქვათ, რომ უკრაინამ უნდა მოშალოს ის გამაგრებები, რომლებიც ფაქტობრივად ევროპას იცავს?
ნატო დღეს ფიქციაა! ნატო არ არსებობს! ეს ფეიკია! ოთხი ასო: N-A-T-O. ერთადერთი მიზეზი, რის გამოც თქვენ აქ მშვიდად სხედხართ და ზეიმებს აწყობთ, არის ის, რომ უკრაინა ყოველ წუთს სისხლს ღვრის. უკრაინა რომ არა, რუსული ტანკები უკვე პოლონეთში იქნებოდნენ. 
 თქვენ ყველას გეგონათ, რომ უკრაინა ვერ გაუძლებდა. თქვენ ზელენსკის ქვეყნის დატოვება შესთავაზეთ, მან კი გიპასუხათ, რომ მას ევაკუაცია კი არა, იარაღი სჭირდებოდა. ოთხი წელია, უკრაინა მთელი ევროპისთვის იბრძვის! ნატო შეიქმნა ერთადერთი მიზნით: დაეცვა თავისუფალი ევროპა რუსული აგრესიისგან. უკრაინა კი  ერთადერთი ქვეყანაა, რომელიც რეალურად აწარმოებს ომს და ამით ევროპას იცავს. და ჩვენ ისევ იმაზე ვმსჯელობთ, მივიღოთ თუ არა ისინი ნატოში.
 უკრაინა ერთადერთი ქვეყანაა, რომელიც დღეს ნატოს არსებობის აზრს განასახიერებს, და ჩვენ უკრაინის მადლიერნი უნდა ვიყოთ ყველაფრისთვის, რაც გაგვაჩნია.   ზელენსკი ისეთი არჩევანის წინაშე დგას, რომ სიტყვებიც არ მაქვს ამის შესაფასებლად. როგორც რუსეთის მოქალაქე, მეც ვგრძნობ ჩემს დანაშაულს და არ მაქვს უფლება, ზელენსკის ვურჩიო, რა გააკეთოს. თორემ პირდაპირ ვეტყოდი: მიდი, აჩვენე შუათითი ტრამპს.  თქვენ გაქვთ 85 ხმა სენატში — ეს საკმარისზე მეტია. რატომ არ არის ეს კანონპროექტი (რუსეთის წინაადმდეგ ძლიერი სასანქციო პაკეტი) დღემდე მიღებული? პუტინი, სი ძინპინი და ყველა სხვა დიქტატორი ტაშით ხვდებიან იმას, რაც ახლა ხდება.
 რუსეთი უკვე ჩრდილოეთ კორეელი, კუბელი და აფრიკელი დაქირავებულების ხელით იბრძვის და ამის შემდეგ ჩვენ ისევ "ესკალაციაზე“ ვლაპარაკობთ?
 ჩვენ გვაქვს ყველაფერი — სამხედრო, პოლიტიკური, ეკონომიკური ძალა — ყველაფერი ჩვენს მხარეზეა და მაინც ვაგებთ ომს.  მხოლოდ უკრაინის წყალობით პუტინმა დღემდე ვერ აიხდინა თავისი ოცნება იმპერიის აღდგენაზე. მაგრამ, თუ ღმერთმა არ ქნას და, უკრაინას აიძულებენ მიიღოს ეს "გარიგება“, ეჭვი არ შეგეპაროთ: პუტინი თავისას აუცილებლად მიაღწევს და შემდეგ, ბიჭებო, თქვენ იქნებით შემდეგი. უბრალოდ, თქვენ მზად არ ხართ საბრძოლველად.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში