ნიუ-იორკის აუქციონის სახლი „სოთბი“ ნახატს სახელწოდებით, „სიზმარი (საწოლი)“ ფრიდა კალოს მხატვრულ შემოქმედებაში ერთ-ერთ „ყველაზე ამაღელვებელ“ და „შთამბეჭდავ“ ნამუშევრად მიიჩნევს.

„სოთბის“ ექსპერტებმა ეს ნახატი 40-დან 60 მილიონ დოლარამდე შეაფასეს, რაც 34.7-დან და 52 მილიონამდე ევროს შეესაბამება.

ავტოპორტრეტი ფრიდამ 1940 წელს, თავისი ცხოვრების ყველაზე ტურბულენტურ პერიოდში დახატა. იმ წელს მისი ჯანმრთელობა პოლიომიელიტისა და 1925 წელს მომხდარი ავტობუსის ავარიის შედეგად გამოწვეული გართულებების გამო გაუარესდა.

ნახატში „სიზმარი (საწოლი)“ მექსიკელი ხელოვანი საკუთარ თავს ხის საწოლში მძინარეს გამოსახავს. მას ვაზისა და ფოთლების მოტივებით მოქარგული ოქროსფერი საბანი ახურავს. საწოლის თავზე დინამიტის ზონრებით შეკრული ჩონჩხი წევს, რომელსაც ხელში ყვავილების თაიგული უჭირავს და ბალიშებზე უდევს თავი.

ნახატი მეხიკოს ერთ-ერთი კერძო კოლექციიდანაა და 74x98 სმ ზომის ტილოზე ზეთით არის შესრულებული.

კალო, რომელიც 1954 წელს გარდაიცვალა, აუქციონის რეკორდებში ქალ-მხატვრებს შორის მეორე ადგილს უკვე იკავებდა. 1949 წელს შესრულებული ავტოპორტრეტი ქმართან, მხატვარ დიეგო რივერასთან ერთად, სახელწოდებით „Diego y yo“ („დიეგო და მე“), 2021 წელს 34.9 მილიონ დოლარად (30 მილიონი ევრო) გაიყიდა.

მიმდინარე წლის 20 ნოემბრამდე, ქალის მიერ შესრულებულ ნახატში გადახდილი ყველაზე მაღალი თანხის რეკორდი ამერიკელ ჯორჯია ო'კიფს და მის ნამუშევარს „Jimson Weed/White Flower No.“ ეკუთვნოდა. 2014 წელს ის 44 მილიონ დოლარად გაიყიდა, რაც 38.1 მილიონ ევროს შეესაბამება.

საერთოდ კი, ყველაზე მაღალი ფასად გაყიდვის რეკორდი ეკუთვნის ლეონარდო და ვინჩის ნამუშევარს სახელწოდებით, „სალვატორ მუნდი“, იგივე „მსოფლიოს მხსნელი“, რომელიც 2017 წელს „კრისტის“ აუქციონზე 450.3 მილიონ დოლარად (390.5 მილიონი ევრო) გაიყიდა.

ავტორი: ექსპრესნიუსი,

სოციალური ქსელები

კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან

ოცნების პრემიერი BBC-ს საგამოძიებო ფილმის შექმნას კვლავ უცხო ქვეყნების სპეცსამსახურებს აბრალებს, მაგრამ რომეს არ აკონკრეტებს

ქლორობენზილიდინ მალონონიტრილი დიდი დოზებით კი იწვევს კანის დამწვრობას, რაც ზოგჯერ იწვევს სასუნთქი გზების დამბლას, გულის გაჩერებას და სიკვდილს

ლაშა შერგელაშვილი - როდესაც BBC-ის გამოძიებაში მონაწილეობა შემომთავაზეს გამაფრთხილეს რომ ამ ამბის გაშუქების შემდეგ აუცილებლად შეეცდებოდნენ ჩემს დისკრედიტაციას