სოფლის მეურნეობის მინისტრის პირველმა მოადგილემ, ნოდარ კერესელიძემ საერთაშორისო ორგანიზაციის  „მერსი ქორპსი“  ექსპერტებთან სამუშაო შეხვედრა გამართა.

როგორც „ექსპრესნიუსს“ სოფლის მეურნეობის სამინისტროდან აცნობეს, შეხვედრაზე ნოდარ კერესელიძემ საქართველოს სოფლის მეურნეობის განვითარების სტრატეგიის პრიორიტეტებზე ისაუბრა და სოფლის განვითარების მნიშვნელობაზე გაამახვილა ყურადღება.

უწყების ინფორმაციით, მინისტრის პირველმა მოადგილემ ექსპერტებს ინფორმაცია მიაწოდა ევროკავშირის მიერ დაფინანსებული პროგრამის - ,,ევროპის სამეზობლო პროგრამა  სოფლის მეურნეობისა და სოფლის განვითარებისთვის - 2“(ENPARD II)  შესახებ, რომლის ძირითადი კომპონენტი სწორედ სოფლის განვითარებაა.

შეხვედრაზე ნოდარ კერესელიძემ აღნიშნა, რომ სოფლის განვითარების სტარტეგიის შემუშავებისთვის სამინიტროში შეიქმნა სპეციალური სამუშაო ჯგუფი, რომელმაცსტარტეგიის სამუშაო ვერსია უკვე მოამზადა და კომენტარებისა და მოსაზრებების მიღების მიზნით, სხვა სამინისტროებში უკვე გადაიგზავნა.

შეხვედრაზე აღინიშნა, რომ ENPARD II-ის საპილოტე პროექტი წარმატებით მიმდინარეობს  ბორჯომის, ყაზბეგისა და ლაგოდეხის მუნიციპალიტეტებში. ახლო მომავალში დაგეგმილია კიდევ ხუთი მუნიციპალიტეტის იდენტიფიცირება.

ENPARD II - ს განახორციელებს სოფლის მეურნეობის სამინისტრო, რომელსაც ტექნიკურ დახმარებას პარტნიორი ორგანიზაციები გაუწევენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ