2026 წლის ბიუჯეტის პროექტის პირველადი ვერსიით, საზოგადოებრივი მაუწყებლის ბიუჯეტი 101 მლნ ლარი იქნება, ანუ ზუსტად იმდენი, რაც 2025 წლის გეგმით არის გათვალისწინებული.

2023 წელს მთავრობამ საზოგადოებრივი მაუწყებლის დაფინანსების წესი შეცვალა და გააუქმა მშპ-თან თანაფარდობის მოდელი, რომლითაც მაუწყებელი თითქმის 15 წლის განმავლობაში ფინანსდებოდა. ძველი წესით მაუწყებლის სახელმწიფო დაფინანსება [მშპ] არანაკლებ 0.14% უნდა ყოფილიყო, ცვლილებების შემდეგ კი საქსტატის მიერ გამოქვეყნებული დასაქმებულთა ჯამური რაოდენობა 64-ზე გამრავლდება.

კანონის მიხედვით, დაფინანსების ახალი წესი ასეთია: სახელმწიფო ბიუჯეტიდან საზოგადოებრივი მაუწყებლის ბიუჯეტი დასაგეგმი საბიუჯეტო წლისთვის ფინანსდება არანაკლებ იმ თანხის ოდენობისა, რომელიც მიიღება სტატისტიკის ეროვნული სამსახურის მიერ ოფიციალურად გამოქვეყნებულ სტატისტიკურ მონაცემებში აღნიშნული წინა წლის დასაქმებული ფიზიკური პირების რაოდენობისა და საზოგადოებრივი მაუწყებლის ბიუჯეტის დაფინანსების კოეფიციენტის − 64 ლარის ნამრავლის სახით, მაგრამ არანაკლებ საქართველოს წინა წლის სახელმწიფო ბიუჯეტის შესახებ კანონით დამტკიცებული მთლიანი ასიგნების ოდენობისა.

მაუწყებელი ბიუჯეტიდან მიღებულ თანხას აჭარის ტელევიზიასა და რადიოსაც უნაწილებს. ახლა ისინი მთლიანი დაფინანსების 16%-ს იღებენ, თუმცა 2026 წლიდან, როდესაც ახალი ფორმულა შევა ძალაში, მთლიანი ბიუჯეტის 21%-ს მიიღებენ.

საზოგადოებრივ მაუწყებელს საბიუჯეტო დაფინანსების გარდა, სარეკლამო შემოსავლებიც აქვს. კომუნიკაციების კომისიის ინფორმაციით, 2025 წლის მე-2 კვარტალში საზოგადოებრივმა მაუწყებელმა 200 ათასი ლარის სარეკლამო შემოსავალი მიიღო.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს