გარემოს დაცვისა და სოფლის მეურნეობის სამინისტროს მხარდაჭერით და სოფლის განვითარების სააგენტოს ორგანიზებით, ჩინეთის სახალხო რესპუბლიკაში, ქალაქ შენჭენში  გამართულ   საერთაშორისო გამოფენაზე SIAL SHENZHEN   ქართული  ნაციონალური პავილიონი მოეწყო, სადაც რვა ქართულმა კომპანიამ  წარადგინა პროდუქცია.

„უკვე მეორე წელია, საერთაშორისო გამოფენაზე SIAL SHENZHEN საქართველოს პავილიონია წარმოდგენილი, სადაც დამთვალიერებელი ქართულ პროდუქციას ეცნობა. ჩვენი მიზანია, მაქსიმალურად შევუწყოთ ხელი ქართველ მეწარმეებს, საკუთარი პროდუქცია გააცნონ პრესტიჟული გამოფენების სტუმრებს, რაც მნიშვნელოვანია საექსპორტო ბაზრების დივერსიფიცირების და შემდგომ აქტიური სავაჭრო კავშირების დასამყარებლად.  პოტენციურ პარტნიორებთან გამოფენის ფარგლებში გამართული შეხვედრები სამომავლო თანამშრომლობის მოლოდინებს გვიქმნის“, - განაცხადა სოფლის განვითარების სააგენტოს დირექტორის მოადგილის მოვალეობის შემსრულებელმა ნიკა ურუშაძემ საერთაშორისო გამოფენაზე SIAL SHENZHEN  დასწრებისას.

საერთაშორისო გამოფენაში მონაწილეობდნენ კომპანიები: შპს აჩინებული, შპს ჰობი, შპს ნათს ინქორფორეითიდ, შპს მეღვინეობა ჩელთი, შპს როიალ ნათსი, შპს წინანდალი პლიუსი, შპს წყალი მარგებელი და სს თელიანი ველი.  კომპანიებს წარმოდგენილი ჰქონდათ ქართული  წარმოების თხილი,  თაფლი, ღვინო, წვენები და წყალი.

2025 წელს გამოფენაში  SIAL SHENZHEN მონაწილეობა მიიღო  55,000-ზე მეტმა   კომპანიამ 75-მდე ქვეყნიდან; გამოფენას  წელს 70,000-მდე ვიზიტორი სტუმრობდა.  

აღსანიშნავია,  გამოფენები „SIAL“  გარდა შენჭენისა (SHENZHEN),  ტარდება  პარიზში, მონრეალში, ტორონტოში, შანხაიში,  ნიუ დელში, კუალა ლუმპურსა  და ჯაკარტაში. 

საერთაშორისო გამოფენა 1-3 სექტემბერს მიმდინარეობდა. 

ავტორი: ექსპრესნიუსი,

სოციალური ქსელები

თიბისის მდგრადი განვითარების ღონისძიება - „მდგრადი ტრანსფორმაცია: ხელოვნური ინტელექტი, ტექნოლოგიები, ბიზნესი და ზეგავლენა“

საქართველოდან ირანის მიმართულებით უპრეცედენტო რაოდენობის ავტომობილის ექსპორტი განხორციელდა

იანვრიდან მოყოლებული, საქართველოში სოციალური დახმარების მიმღებთა რაოდენობა 140 000 ადამიანით შემცირდა

ავტომობილები, ნავთობპროდუქტები, ძვირფასი ლითონები - რას ყიდის საქართველო და საიდან ვყიდით ნავთობს