ბრიუსელში მომხდარი ტერაქტების გამო, ევროპარლამენტში ყველა სხდომა და შეხვედრა გადაიდო.

ამის შესახებ „რუსთავი 2“-ს ბრიუსელიდან საქართველოს პარლამენტის ადამიანის უფლებათა დაცვის კომიტეტის თავმჯდომარე ეკა ბესელიამ განუცხადა.

ბესელია დეპუტატებთან ერთად ბრიუსელში ოფიციალური ვიზიტით იმყოფება.

„გაუქმდა ყველა ჩვენი შეხვედრა და შეწყდა ევროპარლამენტის სესიაც“, - აღნიშნა ბესელიამ. მისივე თქმით, უსაფრთხოების უპრეცედენტო ზომებია მიღებული ყველა ოფიციალურ უწყებაში, მათ შორის ევროპარლამენტში.

ამასთან, საპარლამენტო უმრავლესობის პრესსამსახურში „ექსპრესნიუსს“ განუცხადეს, რომ დეპუტატები სასტუმროებში რჩებიან, სადაც უსაფრთხოების ზომები მაქსიმალურად გამკაცრებულია. დეპუტატების თბილისში დაბრუნება დღეს საღამოს იგეგმებოდა, თუმცა შექმნილი მდგომარეობიდან გამომდინარე გადაიდო.

ცნობისთვის ბრიუსელში 4 ტერორისტული აქტი განხორციელდა. ადგილობრივი პოლიციის ცნობით, მეტროში მომხდარ აფეთქებას 13 ადამიანი ემსხვერპლა. იქამდე ორი აფეთქება ბრიუსელის აეროპორტში განხორციელდა. დასავლური მედიის ცნობით, აეროპორტში მომხდარი აფეთქებისას მსხვერპლთა რაოდენობა ამ დროისთვის 23-ია. დაშავებულთა რაოდენობა კი 35-ს აჭარბებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო