გაეროს ქალთა ორგანიზაციის ქალთა სამეწარმეო EXPO 2025-ზე რეგისტრაცია დაიწყო.

გაეროს ქალთა ორგანიზაციის ინიციატივითა და თიბისის მხარდაჭერით, 13-14 სექტემბერს, 10:00-დან 19:00 საათამდე, საგამოფენო ცენტრ „ექსპო ჯორჯიაში“, ადგილობრივ მეწარმე ქალთა პროდუქციის გამოფენა-გაყიდვა უკვე მეოთხედ გაიმართება.

გამოფენაში მონაწილეობას მიიღებს 200 მეწარმე ქალი საქართველოდან. მათ შორის იქნებიან დევნილი ქალები უკრაინიდან. ისინი ღონისძიების სტუმრებს საკუთარ ნაწარმს წარუდგენენ.

ქალ მეწარმეთა გამოფენა-გაყიდვის პარალელურად, თიბისის ორგანიზებით, მოეწყობა გასართობი და შემეცნებითი კუთხე ბავშვებისთვის, ასევე მწვანე და საკვები სივრცეები.

აღსანიშნავია, რომ ექსპოში მონაწილე მეწარმე ქალები გაივლიან სპეციალურ ტრენინგებს წამყვანი კომპანიების ტრენერებთან, ისარგებლებენ მენტორობის პროგრამით, მოამზადებენ საინვესტიციო წინადადებებს და შეხვდებიან კოლეგებს ევროპისა და ცენტრალური აზიის 13 ქვეყნიდან.

გარდა ამისა, შერჩეულ მონაწილეებს ექნებათ შესაძლებლობა, მონაწილეობა მიიღონ ინვესტორებთან შეხვედრაში 2026 წლის გაზაფხულზე. ღონისძიება ხელს შეუწყობს ქალთა მეწარმეობის პოპულარიზაციას, მათთვის სასარგებლო ცოდნის გაზიარებასა და პერსპექტიული პარტნიორობის დამყარებას.

გასულ წელს გამოფენაში მონაწილეობა მიიღო 160-ზე მეტმა მეწარმე ქალმა, ხოლო ღონისძიებას დაესწრო 4 000-მდე ვიზიტორი, რომელთათვისაც გამოფენა-გაყიდვა მნიშვნელოვან პლატფორმად იქცა ბიზნესკავშირების გასაფართოებლად და პროდუქტის პოპულარიზაციისთვის.

გამოფენაში მონაწილეობის მისაღებად საჭიროა იყოთ მეწარმე ქალი ან ქალის მიერ დაფუძნებული ბიზნესის მფლობელი.

შემოუერთდი ქალთა სამეწარმეო ექსპო 2025-ს.

აპლიკაციების მიღების ბოლო ვადა: 25 აგვისტო

დარეგისტრირდი: http://unwo.men/X4Sc50Wv5eu

მეტი ინფორმაციისთვის ეწვიე შემდეგ ბმულს: https://youtu.be/clKTmeNDMc0

ღონისძიება გაეროს ქალთა ორგანიზაციის ინიციატივით, ევროკავშირის დელეგაციასთან საქართველოში, ევროპის რეკონსტრუქციისა და განვითარების ბანკთან (EBRD), აზიის განვითარების ბანკთან, გერმანიის საერთაშორისო თანამშრომლობის საზოგადოებასთან (GIZ), საქართველოს ფერმერთა ასოციაციასა და კერძო სექტორთან - თიბისი ბანკთან, მიკრობანკ კრისტალთან, ბიზნესისა და ტექნოლოგიების უნივერსიტეტთან - პარტნიორობით იმართება. მეწარმე ქალების გამოფენა-გაყიდვა ტარდება გაეროს ქალთა ორგანიზაციის პროექტის „კარგი მმართველობა გენდერული თანასწორობის ხელშეწყობისთვის საქართველოში“ ქალთა ეკონომიკური გაძლიერების კომპონენტის ფარგლებში, ნორვეგიის მთავრობის დაფინანსებით.

მისამართი: ექსპო ჯორჯია, XI პავილიონი, წერეთლის გამზ. 118

ავტორი: R (რეკლამა),

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა