საქართველოს თავდაცვის მინისტრი მარნეულის საავიაციო ბაზას ესტუმრა და აზერბაიჯანელ სამხედრო მოსამსახურეებს ნოვრუზ ბაირამი მიულოცა.

თავდაცვის სამინისტროს ინფორმაციით, დღესასწაულთან დაკავშირებით ბაზაზე მუსლიმებისთვის სამლოცველო კუთხე გაიხსნა.

ღონისძიებას საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, მარნეულის რაიონის მთავარი ახუნდი აზიზ ნაბიევი, ქვემო ქართლის მუფთი ეთიბარ ემინოვი და საპარლამენტო უმრავლესობის წევრი ალი მამედოვი დაესწრნენ.

„ჩვენ სიმბოლურად დავამთხვიეთ დღევანდელ დღეს სალოცავი კუთხის გახსნა. მარნეულში ძალიან ბევრი ჩვენი თანამოქალაქე აზერბაიჯანელი მსახურობს და ბუნებრივია, ამ სახელმწიფო ინიციატივის განსაკუთრებული ინტერესი, სწორედ, აქ იყო. პირველ რიგში სამხედროებს მინდა მივულოცო დღევანდელი დღე. ძალიან დიდი იმედი მაქვს, რომ საქართველო, როგორც განსაკუთრებით ტოლერანტული ქვეყანა, ქვეყანა, სადაც უმნიშვნელოვანესია მისი ყველა მოქალაქის რწმენის აღმსარებლობის თავისუფლება და პატივისცემა, ამგვარი სამხედრო ნაწილებით კიდევ უფრო მეტად დაიმკვიდრებს ადგილს. კიდევ უფრო მეტი გზავნილი იქნება ეს მთელი მსოფლიო თანამეგობრობისთვის იმის შესახებ, თუ როგორი ქვეყანა ვართ სინამდვილეში, როგორ დემოკრატიას ვაშენებთ და რამდენად თავისუფალია საქართველოში რწმენის და აღმსარებლობის გამოხატვა“,- განაცხადა თავდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა