პირველი უნივერსიტეტის კლინიკა აცხადებს, რომ აჭარის მთავრობის ყოფილი თავმჯდომარის, თორნიკე რიჟვაძის ჯანმრთელობის მდგომარეობა სტაბილური და მძიმეა; ის რეანიმაციულ განყოფილებაშია და კონტროლირებად სასუნთქ აპარატზეა შეერთებული.

როგორც პირველი უნივერსიტეტის კლინიკის კლინიკურმა დირექტორმა ლალი ტურძელაძემ ტელეფონით „ექსპრესნიუსს“ განუცხადა, ამ ეტაპზე რიჟვაძეს ოპერაცია არ სჭირდება.

„მას ამჟამად ოპერაცია არ სჭირდება. ის რეანიმაციულ განყოფილებაში, ხელოვნური სუნთქვის აპარატზეა შეერთებული. მისი მდგომარეობა მძიმეა, მაგრამ სტაბილური“, - განაცხადა ლალი ტურძელაძემ.

თორნიკე რიჟვაძე დღეს საგარეჯოს კლინიკა „ჯეო ჰოსპიტალსში“ ცეცხლსასროლი იარაღიდან მიყენებული ჭრილობით გადაიყვანეს. რიჟვაძის საქმეზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

გარდა ამისა, ამ საქმეზე ბრალდებულის სახით დაკავებულია საზღვაო ტრანსპორტის სააგენტოს ხელმძღვანელი, ალექსი ახვლედიანი. შინაგან საქმეთა სამინისტროს ცნობით, ის დააკავეს საქართველოს სისხლის სამართლის კოდექსის 238-ე მუხლით - ცეცხლსასროლი იარაღის უყურადღებოდ შენახვისთვის.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა