ფიფა-ს მსოფლიო საკლუბო ჩემპიონატის პლეი ოფის ეტაპი დაიწყო და პირველი მატჩები უკვე გაიმართა. ქართველი გულშემატკივარი კი განსაკუთრებით დღევანდელ შეხვედრას ელის – ატლანტის „მერსედეს-ბენც სთედიუმზე“ (ტევადობა – 42 500 მაყურებელი) ხვიჩა კვარაცხელიას „პარი სენ-ჟერმენი“ ლიონელ მესის „ინტერ მაიამის“ დაუპირისპირდება. მატჩის პირდაპირი რეპორტაჟი საქართველოს პირველი არხი ეთერში 20:00 საათიდან დაიწყება.

„პარი სენ-ჟერმენი“

ხვიჩა კვარაცხელიას გუნდმა მსოფლიო საკლუბო ჩემპიონატის პირველ ტურში მადრიდის „ატლეტიკო“ 4:0 დაამარცხა. შემდეგ ბრაზილიურ „ბოტაფოგოსთან“ 0:1 წააგო, მაგრამ ბოლო ტურში ამერიკულ „სიეტლ საუნდერსს“ 2:0 სძლია და 1/8-ფინალში პირველი ადგილით გავიდა.

ხვიჩა კვარაცხელიამ „ატლეტიკოსთან“ ორი საგოლე გადაცემა შეასრულა, ხოლო „სიეტლ საუნდერსს“ გოლი გაუტანა და ისტორიაში პირველი ქართველი ფეხბურთელი გახდა, რომელმაც მსოფლიო საკლუბო ჩემიონატზე გოლი მიითვალა.

„ინტერ მაიამი“

ლიონელ მესის გუნდი ბევრად იოლ ჯგუფში მოხვდა, ვიდრე პსჟ და ამ შანსით ისარგებლა. „ინტერ მაიამი“ პირველ შეხვედრაში ეგვიპტურ „ალ აჰლის“ დაუზავდა (0:0), შემდეგ ჯგუფის ერთ-ერთი ფავორიტი „პორტუ“ 2:1 დაამარცხა, ბოლო ტურში კი ბრაზილიურ „პალმეირასთანაც“ ქულა მოიპოვა (2:2), ჯგუფში მეორე ადგილი დაიკავა და მერვედფინალში გავიდა.

მესიმ „პორტუსთან“ საჯარიმო დარტყმით შესანიშნავი გოლი (კარიერაში 68-ე ჯარიმა) გაიტანა, დღეს კი პსჟ-ს დაუპირისპირდება, სადაც 2021-2023 წლებში თამაშობდა და როგორც თავად ამბობს, ფეხბურთისგან სიამოვნებას ვერ იღებდა, ბედნიერი არ იყო.

„პსჟ-ში ფეხბურთის თამაშით სიამოვნებას ვერ ვიღებიდი და ბედნიერი არ ვიყავი. ვარჯიშებითა და თამაშით კმაყოფილი ერთი დღეც არ ვყოფილვარ, რადგან ადაპტაცია გამიჭირდა. თავიდან პარიზში ძალიან თბილად მიმიღეს, მაგრამ მერე ჩემ მიმართ პარიზული პუბლიკის ნაწილის დამოკიდებულება შეიცვალა. გულშემატკივრების უმეტესობასთან ურთიერთობაში ბზარი გაჩნდა“, – იხსენებდა „ინტერ მაიამის“ არგენტინელი ვარსკვლავი.

ავტორი: ექსპრესნიუსი,

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში