მოვუწოდებ ევროკომისიას, თავი შეიკავოს წევრი სახელმწიფოების საკანონმდებლო ორგანოების საქმიანობაში ჩარევისგან, სადაც მას არანაირი როლი არ აქვს, - ასე ეხმაურება უნგრეთის პრემიერ-მინისტრი ვიქტორ ორბანი ევროკომისიის პრეზიდენტის, ურსულა ფონ დერ ლაიენის განცხადებას.

მისი თქმით, უმჯობესი იქნებოდა თუ კომისია ძალისხმევა ევროკავშირის წინაშე არსებული აქტუალური გამოწვევებისკენ მიმართავდა.

„ძვირფასო ქალბატონო პრეზიდენტო, მოვუწოდებ ევროკომისიას, თავი შეიკავოს წევრი სახელმწიფოების საკანონმდებლო ორგანოების საქმიანობაში ჩარევისგან, სადაც მას არანაირი როლი არ აქვს. ასევე მოვუწოდებ კომისიას, რომ ძალისხმევა ევროკავშირის წინაშე არსებული აქტუალური გამოწვევებისკენ მიმართოს - სფეროებზე, სადაც მას ნამდვილად აქვს მკაფიო როლი და პასუხისმგებლობა და სადაც ბოლო წლებში სერიოზული შეცდომები დაუშვა, როგორებიცაა ენერგეტიკული კრიზისი და ევროპული კონკურენტუნარიანობის ეროზია. პატივისცემით, ვიქტორ ორბანი“, – წერს უნგრეთის პრემიერ-მინისტრი სოციალურ ქსელში.

ვიქტორ ორბანი ევროკომისიის პრეზიდენტის განცხადებას გამოეხმაურა, სადაც მან უნგრეთის ხელისუფლებას ბუდაპეშტში პრაიდის ღონისძიებების ჩატარების დაშვებისკენ მოუწოდა.

„მოვუწოდებ უნგრეთის ხელისუფლებას, ბუდაპეშტში პრაიდის ღონისძიებების ჩატარების ნებართვა მისცენ. ორგანიზატორების ან მონაწილეების მიმართ რაიმე სისხლის სამართლის ან ადმინისტრაციული სანქციების შიშის გარეშე. ლგბტქ+ თემს უნგრეთსა და მის ფარგლებს გარეთ ვუცხადებ: მე ყოველთვის თქვენი მოკავშირე ვიქნები“, - დაწერა ევროკომისიის პრეზიდენტმა სოციალურ ქსელში.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა