რეჯეფ თაიფ ერდოღანთან სომხეთსა და თურქეთს შორის ურთიერთობების ნორმალიზების პროცესი განვიხილე, - ამის შესახებ სომხეთის პრემიერ-მინისტრი, ნიკოლ ფაშინიანი გუშინ სტამბოლში, თურქეთის პრეზიდენტთან, რეჯეფ თაიფ ერდოღანთან შეხვედრის შემდეგ სოციალურ ქსელში წერს.

„სტამბოლში, პრეზიდენტ ერდოღანთან მოსაზრებების დეტალური გაცვლა შედგა. განვიხილეთ სომხეთსა და თურქეთს შორის ურთიერთობების ნორმალიზების პროცესი, რეგიონული დინამიკა და მდგრადი დიალოგის მნიშვნელობა. სომხეთი ჩვენს რეგიონში მშვიდობისა და სტაბილურობის მშენებლობის ერთგული რჩება“, - დაწერა ნიკოლ ფაშინიანმა X-ზე.

თურქეთის პრეზიდენტის კომუნიკაციების დირექტორატის ცნობით, მხარეებმა თურქეთსა და სომხეთს შორის კონტაქტები, სამხრეთ კავკასიაში მიმდინარე მშვიდობისა და დიალოგის პროცესი და რეგიონში მიმდინარე მოვლენები განიხილეს.

„შეხვედრის დროს პრეზიდენტმა ერდოღანმა ხაზი გაუსვა აზერბაიჯანსა და სომხეთს შორის მიმდინარე სამშვიდობო მოლაპარაკებების დროს მიღწეული კონსენსუსის მნიშვნელობას და აღნიშნა, რომ თურქეთი „ორმხრივად მომგებიანი“ პრინციპის თანახმად რეგიონის განვითარების მიზნით მხარდაჭერის გაწევას გააგრძელებს“, - ნათქვამია თურქეთის პრეზიდენტის კომუნიკაციების დირექტორატის განცხადებაში.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები