პუტინი “მედიატორად” პოზიციონირებით სასოწარკვეთილად ცდილობს ირანის ბირთვული იარაღის წარმოების შესაძლებლობების შენარჩუნებას, რუსეთის ნდობა არც ერთ ვითარებაში არ შეიძლება. ამის შესახებ უკრაინის საგარეო საქმეთა მინისტრი, ანდრეი სიბიგა X-ის საკუთარ გვერდზე წერს.

მისი თქმით, რუსეთი ყოველთვის პრობლემის ნაწილია და არა მოგვარების.

“ახლო აღმოსავლეთში დაძაბულობა მოსკოვის თვალთმაქცობის მინიმუმ ორ მაგალითს გვაჩვენებს.

პირველი, პუტინი “მედიატორად” პოზიციონირებით სასოწარკვეთილად ცდილობს, ირანის ბირთვული იარაღის წარმოების შესაძლებლობების შენარჩუნებას.

მეორე, რუსეთი ახლო აღმოსავლეთში დარტყმებს გმობს, მაშინ, როდესაც დაუნდობლად თავს ესხმის უკრაინას. პუტინი, ვითომ, თავის დახმარებას სთავაზობს ახლო აღმოსავლეთში ომის დასასრულებლად, მაშინ, როდესაც უარს ამბობს საკუთარის დასრულებაზე.

ერთადერთი რაციონალური დასკვნაა ის, რომ რუსეთის ნდობა არც ერთ ვითარებაში არ შეიძლება, და ის ყოველთვის პრობლემის ნაწილია და არა მოგვარების,” - წერს სიბიგა.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები