ისრაელის პრემიერ-მინისტრმა, ბენიამინ ნეთანიაჰუმ ირანის უზენაესი ლიდერის, აიათოლა ალი ხამენეის მკვლელობა არ გამორიცხა და თქვა, რომ ისრაელის დარტყმებისგან "იმუნიტეტი არავის აქვს". ამის შესახებ მან ისაუბრა ბეერ-შევაში, სოროკას სამედიცინო ცენტრში ვიზიტის დროს. ეს საავადმყოფო აქამდე ირანულმა ბალისტიკურმა რაკეტამ დააზიანა და ხალხი დაშავდა.

"არავის აქვს იმუნიტეტი... ყველა შესაძლებლობა ღიაა... უმჯობესი იქნება, ამასთან დაკავშირებით მედიაში არ ვისაუბროთ." - თქვა ნეთანიაჰუმ.

ამას გარდა, ნეთანიაჰუმ კონფლიქტში აშშ-ს შესაძლო ჩართვაზე ისაუბრა და თქვა, რომ ეს პრეზიდენტი დონალდ ტრამპის გადასაწყვეტია.

"ის გააკეთებს იმას, რაც კარგი იქნება ამერიკისთვის და მე გავაკეთებ იმას, რაც კარგი იქნება ისრაელისთვის." - თქვა ნეთანიაჰუმ და დაამატა, რომ ტრამპმა "თამაშის წესები იცის".

ისრაელის პრემიერმინისტრი ირწმუნება, რომ მის ქვეყანას, საჭიროების შემთხვევაში, მთელი მისიის შესრულება დამოუკიდებლადაც შეეძლება. 

"ოპერაციის დასასრულს ისრაელისთვის ბირთვული საფრთხე აღარ იარსებებს და აღარ იარსებებს ბალისტიკური საფრთხე." - თქვა ისრაელის პრემიერმა.

აქამდე ალი ხამენეის საჯაროდ დაემუქრა ისრაელის თავდაცვის მინისტრი, ისრაელ კაცი.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები