2025-06-17 18:35:58, 803 ნახვა
მსოფლიო
ევროკავშირის საგარეო საქმეთა საბჭო 23 ივნისს საქართველოს საკითხს განიხილავს
ევროკავშირის წევრი სახელმწიფოების საგარეო საქმეთა საბჭო 23 ივნისის სხდომაზე საქართველოს საკითხს განიხილავს. ამის შესახებ ინფორმაცია საგარეო საქმეთა საბჭოს განრიგშია.
განრიგის თანახმად, საგარეო საქმეთა საბჭო, რომელიც ევროკავშირის 27 წევრი სახელმწიფოს საგარეო საქმეთა მინისტრებისგან შედგება, 23 ივნისს ბრიუსელში შეიკრიბება და ევროკავშირის უმაღლესი წარმომადგენლის, კაია კალასის თავმჯდომარეობით გაიმართება.
საქართველოს საკითხთან ერთად განხილული იქნება უკრაინის წინააღმდეგ რუსეთის აგრესია, ახლო აღმოსავლეთსა და ლიბიაში არსებული ვითარება და ჩინეთი და ევროპული უსაფრთხოება.
ავტორი: ექსპრესნიუსი,
epn.ge (@expressnews.ge)
