ევროკომისიის წარმომადგენელი აცხადებს, რომ ევროკავშირი ისრაელისა და ირანის კონფლიქტში რუსეთის შუამავლობის წინააღმდეგია.

როგორც ევროკომისიის წარმომადგენელმა, ანუარ ელ ანუნიმ განაცხადა, თეირანთან ურთიერთობის გამო მოსკოვს არ შეუძლია, იყოს „ობიექტური შუამავალი“. მისივე თქმით, იანვარში რუსეთმა და ირანმა გააფორმეს შეთანხმება პარტნიორობის შესახებ, რომელიც, მათ შორის, ითვალისწინებს ორ ქვეყანას შორის სამხედრო თანამშრომლობის განმტკიცებას.

ამასთან, ევროკომისიის წარმომადგენლის თქმით, რუსეთს აქვს ნულოვანი ნდობა, რადგან აგრესიულ ომს აწარმოებს უკრაინის წინააღმდეგ, რომლის ფარგლებშიც არღვევს საერთაშორისო სამართალს და გაერო-ს წესდებას.

ცნობისთვის, მანამდე აშშ-ის პრეზიდენტმა, დონალდ ტრამპმა განაცხადა, რომ ღიაა რუსეთის შესაძლო შუამავლობისთვის ისრაელისა და ირანის კონფლიქტის დარეგულირების საკითხში.

შეგახსენებთ, 13 ივნისს ისრაელმა დაიწყო მძლავრი დარტყმები ირანის ტერიტორიაზე. მათ შორის იერიშები განხორციელდა თეირანში მდებარე ობიექტებსა და ბირთვულ ცენტრებზე. დარტყები დღემდე გრძელდება. შედეგად მოკლულია ირანის რევოლუციის გუშაგთა კორპუსის ხელმძღვანელი ხოსეინ სალამი, ირანის შეიარაღებული ძალების გენშტაბის უფროსი მოჰამედ ბაღერი და სხვა მაღალჩინოსანი გენერლები, ასევე ბირთვულ პროგრამაზე მომუშავე ირანელი მეცნიერები. ირანული მედიის მტკიცებით, საერთო ჯამში, ისრაელის დარტყმების შედეგად 200-ზე მეტი ადამიანია მოკლული.

თეირანმა ისრაელის დარტყმები „ომის გამოცხადებად“ შეაფასა და ისრაელის მიმართულებით ყოველდღიურად უშვებს ასობით დრონსა და ბალისტიკურ რაკეტას. ისრაელის არმიის ცნობით, 16 ივნისის დილის მონაცმებით, ირანის თავდასხმების შედეგად დაღუპულია 24 და დაჭრილია 592 ადამიანი.

ავტორი: ექსპრესნიუსი,

სოციალური ქსელები

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს