ისრაელის არმიამ განაცხადა, რომ ისრაელის საჰაერო ძალებმა დაასრულა ფართომასშტაბიანი დარტყმების სერია თეირანში მდებარე რამდენიმე სამიზნეზე, რომლებიც ირანის ბირთვულ პროგრამასთან იყო დაკავშირებული.

ისრაელის თავდაცვის ძალების განცხადებაში ნათქვამია, რომ სამიზნეებს შორის იყო ირანის თავდაცვის სამინისტროს შტაბ-ბინა, SPND-ის ბირთვული პროექტი და სხვა სამიზნეები, რომლებიც „ხელს უწყობდა ირანის რეჟიმის მცდელობას ბირთვული იარაღის მოპოვებისკენ და სადაც ირანის რეჟიმი მალავდა თავის ბირთვულ არქივს“.

ირანული საინფორმაციო სააგენტო „ტასნიმის“ ცნობით, ისრაელის დარტყმის შედეგად, ირანის თავდაცვის სამინისტროს ერთ-ერთი ადმინისტრაციული შენობა უმნიშვნელოდ დაზიანდა, ასევე დაზიანდა SPND-იც.

ამავდროულად, ცნობილი გახდა, რომ თეირანში ნავთობის საწყობი ისრაელის თავდასხმის ახალი სამიზნე გახდა. იქ ხანძარი გაჩნდა.

ისრაელელი ექიმების ცნობით, ირანმა, თავის მხრივ, ცენტრალურ ისრაელში დარტყმები განახორციელა, რასაც სულ მცირე სამი ადამიანის სიცოცხლე ემსხვერპლა. ისრაელის სახანძრო-სამაშველო სამსახურების ცნობით, ირანის თავდასხმის შედეგად ქვეყნის ცენტრალურ ნაწილში რამდენიმე შენობა სერიოზულად დაზიანდა.

გარდა ამისა, CNN წყაროებზე დაყრდნობით იუწყება, რომ ისრაელის ოპერაცია ირანში შეიძლება გაცილებით დიდხანს გაგრძელდეს და განხორციელდეს შეერთებული შტატების ფარული თანხმობით.

თეთრი სახლისა და ისრაელის ოფიციალურმა პირებმა განაცხადეს, რომ ირანის წინააღმდეგ ისრაელის ოპერაცია, სავარაუდოდ, „კვირები გაგრძელდება და არა დღეები“.

ისრაელის ოფიციალურმა წარმომადგენელმა განაცხადა, რომ აშშ-ის პრეზიდენტ დონალდ ტრამპის ადმინისტრაციას ოპერაციის ხანგრძლივობა არ გაუკრიტიკებია. თეთრი სახლის წარმომადგენელმა განაცხადა, რომ ყველამ იცის და ფარულად უჭერს მხარს ისრაელის გეგმებს.

საერთო ჯამში, კონფლიქტის ხანგრძლივობა ირანის პასუხზე იქნება დამოკიდებული, განაცხადა აშშ-ის წარმომადგენელმა. მან ხაზგასმით აღნიშნა, რომ შეერთებული შტატები არ აპირებს ისრაელს უთხრას, რა უნდა გააკეთოს თავდაცვის გარდა.

ავტორი: ექსპრესნიუსი,

სოციალური ქსელები

პროკურატურა - ტყიბულში, ერთ-ერთ რესტორანში შსს-ს თანამშრომელმა და მისმა თანმხლებმა ორმა პირმა ჯგუფურად იძალადეს დაცვის პოლიციის ორ თანამშრომელსა და კიდევ ერთ პირზე

ესპანეთში სამ დღეში მეორე სარკინიგზო ავარია მოხდა, არის მსხვერპლი

ტრამპის ვიზიტი დავოსში პრეზიდენტის თვითმფრინავის ტექნიკური პრობლემების გამო გადაიდო

კრემლმა სამხედრო ბიუჯეტის შესავსებად ეროვნული კეთილდღეობის ფონდიდან ოქროს რეზერვების სამი მეოთხედი გაყიდა