2025-06-12 20:55:06, 2558 ნახვა

---

ვოლოდიმირ ზელენსკი - ჩვენი დანაყოფები სუმის ოლქში ოკუპანტს თანდათან უკან დახევას აიძულებენ, მადლობა თითოეულ ჩვენს სამხედროს ამ შედეგისთვის

უკრაინის პრეზიდენტი ვოლოდიმირ ზელენსკი აცხადებს, რომ უკრაინის დანაყოფები რუსეთის ძალებს სუმის ოლქში თანდათან უკან დახევას აიძულებენ. ამის შესახებ მან თავის მიმართვაში განაცხადა.

როგორც ზელენსკიმ აღნიშნა, მან მოისმინა მთავარსარდალ სირკის ანგარიში ფრონტზე არსებულ სიტუაციაზე, კერძოდ, პოკროვსკის, სუმისა და კურსკის მიმართულებით.

„ჩვენი დანაყოფები სუმის ოლქში თანდათან უკან დახევას აიძულებენ ოკუპანტს. მადლობა თქვენ! მადლობა თითოეულ ჩვენს სამხედროს, სერჟანტს და ოფიცერს ამ შედეგისთვის“, – განაცხადა ზელენსკიმ.

უკრაინის პრეზიდენტმა უახლოეს კვირებში საერთაშორისო შეხვედრები დაანონსა. ამასთან, ზელენსკიმ აღნიშნა, რომ თავდაცვის მინისტრთან, რუსტემ უმეროვთან განიხილა მოლაპარაკების საკითხები და უკრაინის თავდაცვისა და სამხედრო მრეწველობის დაფინანსება.

„ჩვენი წარმომადგენლების ყველა დონისთვის მკაფიო ამოცანა, ჩვენ გვჭირდება, პარტნიორებს ესმოდეთ, რომ რუსეთის წინააღმდეგ სანქციები ნამდვილად მუშაობს. ნამდვილად მუშაობს, როდესაც რუსეთის ხელისუფლების მიერ ამ სანქციებთან ადაპტაციას ასწრებენ. სანქციები ნავთობის წინააღმდეგ, ყველა რუსული ბანკისა და მთელი ფინანსური სექტორის წინააღმდეგ, სანქციები ფიზიკური და იურიდიული პირების წინააღმდეგ, რომლებიც ეხმარებიან რუსეთს მსოფლიო ზეწოლასთან ადაპტირებაში. საჭიროა ისეთი ზეწოლა, რომელთანაც ისინი ვერ შეძლებენ თანაცხოვრებას და ეს გახდება ომის ზღვარი, რომლის იქითაც შესაძლებელია საიმედო მშვიდობა“, – განაცხადა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი