კომპანია Nike-მა ახალი ინოვაციური ფეხსაცმელი წარადგინა, რომლის თასმებიც ავტომატურად იკვრება. ახალი მოდელი HyperAdapt-ის სახელითაა ცნობილი.

თასმა ავტომატურად მას შემდეგ იკვრება, როგორც კი ქუსლში ჩამონტაჟებული სპეციალური გადამცემი ფეხსაცმელში ფეხის ჩადგმაზე რეაგირებს. თასმების სიგრძის დარეგულირება შესაბამისი ღილაკებით არის შესაძლებელი, რომელიც ფეხსაცმელზეა დამონტაჟებული.

კომპანია ახალ ფეხსაცმელზე დიდ იმედებს ამყარებს და სურვილს გამოთქვამს, რომ აღნიშნული ფეხსაცმელი მასშტაბურ გაყიდვაში შევიდეს.

ინოვაციური ფეხსაცმლის გაყიდვა უახლოეს მომავალში იგეგმება, თუმცა მისი გაყიდვის ფასი ჯერ კიდევ უცნობია.

ცნობისთვის, მსგავსი ტიპის ფეხსაცმელი ადრე კომპანია Puma-მ წარადგინა. აღსანიშნავია, რომ Puma-ს სპორტულ ფეხსაცმელს Autodisc-ის აგრეთვე გააჩნდა თასმების ავტომატური შეკვრის ფუნქცია, თუმცა ეს ფუნქცია ღილაკზე დაჭერით რეგულირდებოდა და არა ჩაცმისთანავე.

ფეხსაცმელი მასობრივ წარმოებში ჯერ არ შესულა. როგორც კომპანიაში აცხადებენ, ფეხსაცმლის დატენვის სისტემა უნდა დაიხვეწოს, რადგან ახლა ის USB-კაბელით იტენება.  Nike-ში ამბობენ, რომ მომხმარებელი უპირატესობას მიანიჭებს, ფეხსაცმელი სპეციალურ ხალიჩაზე დატენოს.

საინტერესოა, რომ თასმების ავტომატური შეკვრის ფუნქცია, მას შემდეგ გახდა პოპულარული და ცნობილი, რაც 1989 წელს ფილმი "უკან მომავალში 2" გამოვიდა. ფილმის მთავარ გმირს სწორედ ასეთი ფუნქციით დატვირთული ფეხსაცმელი ჰქონდა. აღსანიშნავია, რომ მთავარ გმირს ფეხსაცმელი  NIke-მა შეუქმნა. პროექტის განხორციელებისთვის, კომპანიას 15 წელი დასჭირდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამოქალაქო საზოგადოება, მათ შორის ადამიანის უფლებადამცველები რეპრესიულ გარემოში საქმიანობენ - ევროკომისიის ანგარიში

საქართველოში სასამართლო სისტემისა და ფუნდამენტური უფლებების სფეროში ზედიზედ მესამე წელია უკუსვლა ფიქსირდება - ევროკომისიის ანგარიში

ფესვგადგმული ოლიგარქიული გავლენა ხელს უწყობს სახელმწიფოს მიტაცებას და ხელს უშლის დემოკრატიულ კონსოლიდაციას - ევროკომისიის ანგარიში

ჟურნალისტების უსაფრთხოებაზე და მედიის საოპერაციო გარემოზე კვლავ უარყოფითად მოქმედებს დამოუკიდებელი და კრიტიკული მედია საშუალებებისა და ჟურნალისტების წინააღმდეგ შევიწროების, დაშინებისა და თავდასხმების მუდმივი ფაქტები - ევროკომისიის ანგარიში