სტამბოლში რუსეთის და უკრაინის დელეგაციების სამშვიდობო მოლაპარაკებები დასრულდა.

რუსეთის და უკრაინის წარმომადგენლებს შორის შეხვედრა დაახლოებით 15:50 საათზე დაიწყო და საათზე მეტ ხნს გაგრძელდა.

რუსული მედიის თანახმად, რუსეთის ფედერაციისა და უკრაინის დელეგაციების წარმომადგენლებმა ერთმანეთს ხელი არ ჩამოართვეს.

რუსეთის დელეგაციას კვლავ რუსეთის პრეზიდენტის თანაშემწე ვლადიმერ მედინსკი ხელმძღვანელობს. მის გარდა, დელეგაციის შემადგენლობაში არიან: საგარეო საქმეთა მინისტრის მოადგილე, მიხაილ გალუზინი, რუსეთის შეიარაღებული ძალების გენერალური შტაბის მთავარი სადაზვერვო სამმართველოს უფროსი, იგორ კოსტიუკოვი და თავდაცვის მინისტრის მოადგილე, ალექსანდრე ფომინი.

სტამბოლში მიმდინარე მოლაპარაკებებზე უკრაინის დელეგაციას კვლავ თავდაცვის მინისტრი რუსტემ უმეროვი ხელმძღვანელობს. უკრაინის პრეზიდენტმა, ვოლოდიმირ ზელენსკიმ უკრაინელი მომლაპარაკებლების შემადგენლობაში ცვლილებები შეიტანა. კერძოდ, ამჯერად სტამბოლში არ წავიდა უკრაინის შეიარაღებული ძალების გენერალური შტაბის ცენტრალური იურიდიული დეპარტამენტის საერთაშორისო და ოპერატიული სამართლის დეპარტამენტის უფროსი, ალექსეი მალოვაცკი. დელეგაციის შემადგენლობაში სამი ახალი წევრია: იური კოვბასა – უმაღლესი რადას ადამიანის უფლებათა კომისრის წარმომადგენელი უსაფრთხოებისა და თავდაცვის სექტორის ორგანოების სისტემაში; ევგენი ოსტრიანსკი – უკრაინის შეიარაღებული ძალების გენერალური შტაბის უფროსის მოადგილე და ანდრეი ფომინი – უკრაინის შეიარაღებული ძალების გენერალური შტაბის ცენტრალური იურიდიული დეპარტამენტის საერთაშორისო და ოპერაციული სამართლის დეპარტამენტის უფროსის მოადგილე.

შეხვედრის დასაწყისში თურქეთის საგარეო საქმეთა მინისტრი, ჰაქან ფიდანი მისასალმებელი სიტყვით გამოვიდა და აღნიშნა, რომ რუსეთსა და უკრაინას შორის მოლაპარაკებების პირველი რაუნდის დროს ძალიან მნიშვნელოვანი ნაბიჯები გადაიდგა. ფიდანის თქმით, მეორე რაუნდზე ცეცხლის შეწყვეტისა და ტყვეთა გაცვლის საკითხების განსახილვა იგეგმება.

„დღეს ამ შეხვედრაზე ჩვენ შევაფასებთ ორივე მხარის პერსპექტივებსა და შეხედულებებს ცეცხლის შეწყვეტასთან დაკავშირებით, ასევე განვიხილავთ ჰუმანიტარული ინიციატივების საკითხებს და ლიდერების შესაძლო შეხვედრისთვის მზადებას. უკრაინისა და რუსეთის დელეგაციებს შორის რეგულარული შეხვედრები ძალიან ღირებულია ორ მხარეს შორის ნდობის დამყარების თვალსაზრისით. რაც უფრო ხშირად განვიხილავთ ამ საკითხებს, მით უფრო დაუახლოვდება პოზიციები. მე მჯერა, რომ ეს შეხვედრა მაქსიმალურად ეფექტური იქნება და რაც შეიძლება მალე მივაღწევთ კონკრეტულ მიზნებს ზავის გზაზე“, – განაცხადა ჰაქან ფიდანმა.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა