ნატო-ს გენერალურმა მდივანი ამბობს, რომ ნატო-ში უკრაინის გაწევრიანებას ალიანსის წევრი ყველა სახელმწიფო დაეთანხმა. მარკ რუტემ აღნიშნა, რომ ეს საკითხი არ შეიძლება, იყოს კიევსა და მოსკოვს შორის სამშვიდობო მოლაპარაკებების ნაწილი.

„რაც შეეხება უკრაინას, ვაშინგტონში 32-ვე მოკავშირის მხრიდან იყო მკაფიო ვალდებულება – ეს არის უკრაინის ნატო-ში გაწევრიანების შეუქცევადი გზა. კონკრეტული თარიღის გარეშე, არა სამშვიდობო შეთანხმების ნაწილად, არამედ 32-ვე მოკავშირის მხრიდან გრძელვადიანი ვალდებულების სახით და ჩვენ უკვე ვაშენებთ ამ ხიდს“, – თქვა რუტემ.

ABC News-თან ცოტა ხნის წინ მიცემულ ინტერვიუში უკრაინის საკითხებში აშშ-ის პრეზიდენტის, დონალდ ტრამპის სპეციალურმა წარმომადგენელმა, კიტ კელოგმა განაცხადა, რომ შეერთებული შტატები მიიჩნევს, რომ რუსეთის შეშფოთება ნატო-ს გაფართოებასთან დაკავშირებით საფუძვლიანია და მზადაა, განიხილოს.

„ისინი მხოლოდ უკრაინაზე არ საუბრობენ. ისინი საქართველოზე საუბრობენ, ისინი მოლდოვაზეც საუბრობენ. ჩვენ ეს გვესმის და ვეუბნებით მათ, რომ შეგვიძლია განვიხილოთ ნატოს გაფართოების შეჩერება თქვენს საზღვრებამდე. ეს მათი უსაფრთხოების ინტერესია“, – თქვა კელოგმა.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა