რუსული სარდლობა ხარკოვის ოლქთან საზღვარზე ჯარებს აკონცენტრირებს და შესაძლოა, ფართომასშტაბიანი შეტევა დაიწყოს რეგიონის დედაქალაქსა და ქალაქ სუმზე, რომლის აღებითაც ადრე სტამბოლში მყოფი რუსი მომლაპარაკებლები ემუქრებოდნენ. სამხედრო ანალიტიკოსის, მაიკლ კლარკის თქმით, რუსეთის სამხედროებს წელს უკრაინაში გარღვევის მისაღწევად „ოთხთვიანი ფანჯარა“ აქვთ, სანამ ამინდი გაუარესდება და რუსეთი საბჭოთა ეპოქის ჯავშანტექნიკის მარაგს ამოწურავს.

რუსეთის ჯარები უკრაინის სიდიდით მეორე ქალაქ ხარკოვთან, საზღვარზე იყრიან თავს, მას შემდეგ, რაც თითქმის მთლიანად განდევნეს უკრაინის შეიარაღებული ძალები კურსკის ოლქიდან. დაჯგუფების შემადგენლობა დაახლოებით 50 000 ჯარისკაცს შეადგენს, წერს Sky News. უკრაინის შეიარაღებული ძალების მე-13 ოპერატიული ბრიგადის შტაბის უფროსის, ანდრეი პომაგაიბუსის თქმით, რუსეთი ფრონტის ხაზზე პერსონალს გადაჰყავს და „ცდილობს, სულ მცირე, რამდენიმე თავდასხმის ოპერაცია განახორციელოს“, თუმცა, საერთო ჯამში, უშედეგოდ. „არსებობს აშკარა მტკიცებულება, რომ მტერი აქტიური შეტევითი მოქმედებებისთვის ემზადება“, - აღნიშნა მან.

კლარკის თქმით, საზღვარზე შეკრებილი ჯგუფი, რომელიც, სავარაუდოდ, ელიტარული საჰაერო-სადესანტო დანაყოფებსაც მოიცავს, შესაძლოა, ხარკოვსა და სუმიზე შეტევა სცადოს, ან კიევის მიერ 2022 წლის შემოდგომაზე გათავისუფლებული მიმდებარე ტერიტორიების კიდევ უფრო მეტი ნაწილი დაიკავოს. ამავდროულად, ექსპერტმა აღნიშნა, რომ „რუსებმა ფაქტობრივად ამოწურეს ძალები, რომელთა გამოყენებაც სტრატეგიული შეტევისთვის შეეძლოთ“ ფრონტის ხაზის დიდ მონაკვეთებზე მიმდინარე თავდასხმების გამო, რაც „გამოფიტვის ბრძოლის“ სტრატეგიის ნაწილად იქცა.

დიდი ბრიტანეთის თავდაცვისა და უსაფრთხოების კვლევების ინსტიტუტის (RUSI) სამხედრო ექსპერტმა, ჯეკ უოტლინგმა, განაცხადა, რომ რუსეთი, სავარაუდოდ, ზაფხულის შეტევის „რბილ დაწყებას“ განახორციელებს „მუდმივად მზარდი რაოდენობისა და მასშტაბის თავდასხმებით გაფართოებულ არეალზე“, დიდი მექანიზებული დანაყოფების ჩართვის სწრაფი მანევრის ნაცვლად. მისი აზრით, ამის „ნიშნები“ უკვე გამოჩნდა.

უოტლინგი დაეთანხმა კლარკის მოსაზრებას, რომ რუსეთის არმიის აღჭურვილობის მარაგი იწურებოდა. მისი თქმით, ტანკების, ქვეითი საბრძოლო მანქანების, არტილერიის და სხვა იარაღის საბჭოთა მარაგი „შემოდგომის შუა რიცხვებისთვის ამოიწურება“.

ოთხშაბათს, OSINT პროექტმა DeepState-მა დაწერა, რომ მედიაში გავრცელებული ინფორმაცია ხარკოვზე რუსეთის მოსალოდნელი შეტევის შესახებ გაზვიადებულია. ანალიტიკოსები აღნიშნავენ, რომ ამ სფეროში კვლავ გრძელდება „მუდმივი ზეწოლა და მცდელობები, შემოწმდეს უკრაინის შეიარაღებული ძალების თავდაცვა“, რაც გავრცელებული ტაქტიკაა. „პერსონალის დაგროვება ხდება, მაგრამ გაძლიერების სახით“, რაც კომპენსირებას უწევს მაღალ დანაკარგებს, აღნიშნავს არხი. რუსი ჯარისკაცები ასევე ზრდიან დრონების რაოდენობას ბოჭკოვან ოპტიკაზე, რაც ასევე ხდება ფრონტის სხვა ნაწილებში. „[ხარკოვის] რაიონში სიტუაცია კრიტიკულად არ შეცვლილა“, - აჯამებენ ანალიტიკოსები.

ავტორი: ექსპრესნიუსი,

სოციალური ქსელები

რამზან კადიროვმა ჩეჩნეთის საპრეზიდენტო არჩევნებში ხმების 97.35% მიიღო

დუმის არჩევნებში პუტინის პარტია Единая Россия [ერთიანი რუსეთი] 57,54%-ით ლიდერობს

მემარცხენე პარტია (Die Linke) ბერლინის ადგილობრივ არჩევნებში პირველ ადგილზეა

საქართველოს მხარეზე მებრძოლი UNA-UNSO-ს დამფუძნებელი, მიკოლა კარპიუკი ოკუპანტებთან ბრძოლაში დაიძღუპა