2025-05-12 20:17:02, 1967 ნახვა
ომი უკრაინაში
უკრაინის პრეზიდენტმა აშშ-სთან მინერალების შეთანხმების რატიფიცირების დოკუმენტს ხელი მოაწერა
უკრაინის პრეზიდენტმა, ვოლოდიმირ ზელენსკიმ აშშ-სა და უკრაინას შორის მინერალების შეთანხმების რატიფიცირებას ხელი მოაწერა.
ამის შესახებ РБК-Украина უკრაინის უმაღლესი რადის ვებგვერდზე დაყრდნობით წერს.
შეგახსენებთ, რომ 8 მაისს უკრაინის უმაღლესმა რადამ ხელშეკრულება დაამტკიცა.
450-ადგილიან პარლამენტში დოკუმენტს მხარი 338-მა დეპუტატმა დაუჭირა.
მანამდე, 6 მაისს, საგარეო პოლიტიკის შესახებ უკრაინის საპარლამენტო კომიტეტმა მხარი დაუჭირა მინერალებზე შეთანხმების რატიფიცირებას.
30 აპრილს ხელმოწერილი შეთანხმება უკრაინასა და აშშ-ს შორის საერთო საინვესტიციო ფონდის შექმნას ითვალისწინებს, რომელიც აშშ-ს უკრაინის ბუნებრივი რესურსების განვითარების პროექტებში სპეციალური წვდომით უზრუნველყოფს.
ავტორი: ექსპრესნიუსი,
epn.ge (@expressnews.ge)
