ოკუპირებულ აფხაზეთში რუსეთიდან ავიამიმოსვლის დაწყების შემდეგ, რუსულ საიტებზე თბილისი-მოსკოვი-სოხუმის ავიაბილეთის შეძენაა შესაძლებელი

 მაგალითად, 3 მაისს, სოხუმში მოსახვედრად „ჯორჯიან ეარვესის“ რეისით თბილისიდან დილის 9 საათზე გაფრენა, შემდეგ კი მოსკოვიდან, 14:30 საათზე UVT aero-ს თვითმფრინავში გადაჯდომაა საჭირო

ოკუპირებულ აფხაზეთში ''უვიზოდ'' შესვლა მხოლოდ რუსეთის, ნიკარაგუას და ტუვალუს მოქალაქეებს შეუძლიათ, ასევე ტურისტებს ბელარუსიდან და ყაზახეთიდან

შეგახსენებთ, რომ 1 მაისს ოკუპირებულ აფხაზეთში მოსკოვიდან ბოლო 30 წელიწადში პირველი ფრენა შესრულდა. როგორც რუსული მედია წერს, ფრენა „ვნუკოვოს“ აეროპორტიდან ავიაკომპანია ЮВТ аэро-ს თვითმფრინავით განხორციელდა. ეს არის პირველი რეგულარული ავიარეისი რუსეთიდან ოკუპირებულ აფხაზეთში 1993 წლის შემდეგ.

ოკუპირებული აფხაზეთის მარიონეტულმა რეჟიმმა სოხუმის აეროპორტის გახსნის შესახებ განაცხადა. ე.წ. გახსნის ცერემონიას, საოკუპაციო რეჟიმის წარმომადგენლებთან ერთად, რუსეთის პრეზიდენტის ადმინისტრაციის ხელმძღვანელის პირველი მოადგილე სერგეი კირიენკო ესწრებოდა.

რუსეთის მთავრობის წარმომადგენლის თქმით, მოსკოვის შემდეგ, რეგულარული რეისები სოხუმს რუსეთის ქალაქებთან დააკავშირებს.

ავტორი: ექსპრესნიუსი,

სოციალური ქსელები

უკრაინის სამივე ყოფილმა პრეზიდენტმა კუჩმამ, იუშენკომ და პარაშენკომ პოლონეთის უმაღლეს ჯილდოზე უარი თქვეს

„ჩემი პოპულარობა შენი საქმე არ არის“: მელონიმ ტრამპის ბოლო თავდასხმებს უპასუხა

Bloomberg: დიდი ბრიტანეთი დაბალფასიან, შორი მოქმედების იარაღს ავითარებს, რომლის გამოყენებაც უკრაინაში შეიძლება

ტრამპმა კვლავ გააკრიტიკა იტალიის პრემიერ-მინისტრი