ვოლოდიმირ ზელენსკიმ რამდენიმე ფიზიკურ პირსა სანქციები დაუწესა. სანქცირებულთა შორის არის უკრაინის პრეზიდენტის ოფისის ყოფილი მრჩეველი ოლექსი არესტოვიჩი.

ახალი ბრძანების მიხედვით, სანქცირებულთა სიაში მოხვდნენ:

• ოლექსი არესტოვიჩი;
• სტანისლავ ბერნვალდი (რუსი პროპაგანდისტი);
• კონსტანტინ ბონდარენკო (უკრაინელი პრორუსული შეხედულებების პოლიტოლოგი);
• დმიტრი ვასილეცი (უკრაინელი პრორუსული შეხედულებების ბლოგერი);
• ანასტასია კაშევაროვა (რუსი პროპაგანდისტი);
• მიროსლავ ოლეშკო (უკრაინელი პრორუსი ბლოგერი);
• პაველ ონიშენკო (ე.წ. გამათავისუფლებელი მოძრაობა "სლობოჟანსკაია სეჩის" დამფუძნებელი);
• ალექსანდრ სემჩენკო (რუსეთში გაქცეული უკრაინელი პოლიტიკოსი);
• ალექსანდრ სკუბჩენკო (უკრაინელი პრორუსი პროპაგანდისტი);

ბრძანებაში წერია, რომ უკრაინის საგარეო საქმეთა სამინისტრომ ანალოგიური სანქციების საკითხი უნდა განიხილოს აშშ-სა და ევროპასთან.

2023 წლის იანვარში არესტოვიჩმა თანამდებობა მას შემდეგ დატოვა, რაც ივარაუდა, რომ რუსული რაკეტა, რომელმაც დნეპრში საცხოვრებელი სახლი გაანადგურა, უკრაინულმა საჰაერო თავდაცვის სისტემებმა ჩამოაგდო.

უკრაინაში არესტოვიჩის წინააღმდეგ ორი საქმეა აღძრული – ერთი "ძალადობის პროპაგანდისთვის", მეორე ცრუ ჩვენებების მიცემისთვის.

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები

ირანის ბლოკადის აღდგენის შემდეგ თეირანთან დაკავშირებული დაკავებული სავაჭრო გემების რაოდენობამ 115-ს მიაღწია.

თბილისის 21-ე სკოლაში რამდენიმეკვირიანი სარეაბილიტაციო სამუშაოები ჩატარდება, რის შემდეგაც სწავლა იმავე შენობაში განახლდება

შსს - კახეთში 100 კგ-მდე კანაფი ამოიღეს, დაკავებულია 3 პირი