ირანის სამხრეთით, ქალაქ ბანდარ აბასში, შაჰიდ რაჯაის პორტში ძლიერი აფეთქება მოხდა, რასაც სულ მცირე 25 ადამიანი ემსხვერპლა, ხოლო 1000-ზე მეტი დაშავდა.

მიუხედავად იმისა, რომ აფეთქების მიზეზის შესახებ ინფორმაცია არ არსებობდა, ის ომანში ირანის ბირთვულ პროგრამაზე აშშ-ირანის მოლაპარაკებების მესამე რაუნდის დაწყებიდან მალევე მოხდა, წერს BBC-ის რუსული სამსახური.

„ინციდენტი გამოწვეული იყო შაჰიდ რაჯაის პორტის ნავმისადგომთან შენახული რამდენიმე კონტეინერის აფეთქებით. ამჟამად ჩვენ ვახორციელებთ დაჭრილების ევაკუაციას და სამედიცინო ცენტრებში გადაყვანას“, - განუცხადა სახელმწიფო ტელევიზიას ადგილობრივმა კრიზისების მართვის წარმომადგენელმა.

ხანძრის ჩასაქრობად პორტის ოპერაციები შეჩერდა და პორტის თანამშრომლების დიდი რაოდენობის გათვალისწინებით, „ინციდენტის შედეგად, სავარაუდოდ, ბევრი ადამიანი დაშავდა ან დაიღუპა კიდეც“, - განაცხადა სააგენტომ.

ირანული მედიის ცნობით, აფეთქების შედეგად რამდენიმე კილომეტრის რადიუსში ფანჯრები ჩაიმსხვრა, ინტერნეტში კი კადრები გამოჩნდა, სადაც აფეთქების შემდეგ სოკოს ფორმის ღრუბელი წარმოიქმნება.

ავტორი: ექსპრესნიუსი,

სოციალური ქსელები

არაგვზე ხიდის მშენებლობის გამო, სად შეიზღუდება წყალმომარაგება 36 საათით - GWP-ს განცხადება

მათიკაშვილი - პირდაპირი მსგავსებაა სექტანტურ მიმდინარეობასა და იმ ე.წ. პროტესტს შორის, რომელიც საქართველოში მიმდინარეობს

ბოჭორიშვილი: საქართველო მტკიცედ დგას უკრაინელი ხალხის გვერდით

სი ძინპინმა განაცხადა, რომ ჩინეთი და აშშ პარტნიორები უნდა იყვნენ და არა მეტოქეები