"საერთაშორისო გამჭვირვალობა" საქართველოსთან დაკავშირებით განცხადებას ავრცელებს.

კერძოდ, ორგანიზაცია ეხმაურება უცხოურ გრანტებთან დაკავშირებულ საკანონმდებლო პაკეტს და ღრმა შეშფოთებას გამოთქვამს.

განცხადებაში აღნიშნულია, რომ შესაბამისი ზომები სამოქალაქო საზოგადოების გაჩუმებისკენ არის მიმართული.

“საერთაშორისო გამჭვირვალობა” ღრმად შეშფოთებულია, რომ საქართველოს მმართველი პარტია “ქართული ოცნების” მიერ ცოტა ხნის წინ გამოცხადებული ზომები პირდაპირ საფრთხეს წარმოადგენს საქართველოს სამოქალაქო საზოგადოების შესაძლებლობისთვის, იმოქმედოს დამოუკიდებლად და შეასრულოს თავისი სასიცოცხლოდ მნიშვნელოვანი როლი დემოკრატიისა და კანონის უზენაესობის დაცვაში.

ახალი წესები, რომლებიც “გრანტებზე კანონის” შესწორებებად მიიღეს, მთავრობის მიერ სამოქალაქო საზოგადოების ორგანიზაციებისთვის საგარეო დაფინანსების წინასწარ დამტკიცებას მოითხოვს და არდამტკიცებული დაფინანსების მიმღებებს დიდი ჯარიმებით დასჯის.

ეს განვითარება ხაზს უსვამს საქართველოს უფრო ფართო დემოკრატიულ ვარდნას, რომელიც ერთი პოლიტიკური ძალის მიერ ათწლეულის განმავლობაში ძალაუფლების კონსოლიდაციით გამოირჩევა. მას შემდეგ რაც სახელმწიფო ინსტიტუტები მისი კონტროლის ქვეშ მოექცნენ, კორუფცია ინსტიტუციონალიზებული გახდა, რამაც დაასუსტა კონტროლი, ანგარიშვალდებულება და დემოკრატიული ზედამხედველობა. მმართველი პარტია ახლა სამიზნეში იღებს დამოუკიდებელ სამოქალაქო საზოგადოებას, მედიასა და ოპოზიციურ ჯგუფებს, რომლებიც გამჭვირვალობას იცავენ.

“საერთაშორისო გამჭვირვალობა” მკაცრად გმობს ამ ზომებს და გვერდში უდგას საქართველოს სამოქალაქო საზოგადოებას.

“საერთაშორისო გამჭვირვალობა - საქართველოს” კორუფციასთან საბრძოლველად და სამართლიანობის წინ წასაწევად თავისუფლად ოპერირების საშუალება უნდა ჰქონდეს. წლების განმავლობაში ის ააშკარავებდა სახელმწიფოს მიტაცებას, სისტემურ კორუფციას, და არჩევნების მანიპულაციას - და შედეგად, მუდმივად სამიზნეში იყო ამოღებული. დღეს ნათელად ჩანს, რომ ეს რეპრესიული კანონები “საერთაშორისო გამჭვირვალობა - საქართველოს” მსგავსი ორგანიზაციების გასაჩუმებლად არის შემუშავებული.

საკანონმდებლო ცვლილებების ეს წინადადებები შეუსაბამოა დემოკრატიული მმართველობისა და კანონის უზენაესობის მხრივ საქართველოს ვალდებულებებთან. მიუხედავად იმისა, რომ ის წარმოდგენილია, როგორც ეროვნული ინტერესების დასაცავად ზომები, ისინი ანგარიშვალდებული და გამჭვირვალე მთავრობის საკვანძო საყრდენების - საჯარო ზედამხედველობისა და სამოქალაქო მონაწილეობის - სასტიკად შემცირების რისკს შეიცავს. დამოუკიდებელი ორგანიზაციებისთვის დაფინანსებისადმი წვდომის შეზღუდვა ძირს უთხრის ანტიკორუფციულ ძალისხმევებს და ქმნის გარემოს, რომელშიც ძალაუფლების ბოროტად გამოყენებას შემოწმების გარეშე შეუძლია აყვავება”, - ნათქვამია განცხადებაში.

ავტორი: ექსპრესნიუსი,

სოციალური ქსელები

რუსთაველის გამზირზე მოასფალტების სამუშაოები დაიწყო

კახა კალაძე - საკონსტიტუციო სასამართლოს წარვუდგინეთ არგუმენტები, რომ კონკრეტული პარტიები ქვეყნის წინააღმდეგ მოქმედებენ

თვითმფრინავებზე ბომბის მუქარამ კვლავ იმოქმედა ევროპაში ათობით რეისზე

ხელოვნური ინტელექტის აქციების არჩევნების შემდგომმა ვარდნამ გლობალური ბაზრები მოიცვა