ეს არ არის კონკრეტული ადამიანების წინააღმდეგ მიმართული შანტაჟი, ეს არის მორალური ტერორი მთელი საზოგადოების წინააღმდეგ მიმართული, - ამის შესახებ პრეზიდენტის მრჩეველმა პოლიტიკურ საკითხებში ფიქრია ჩიხრაძემ განაცხადა.

მისივე თქმით, პრეზიდენტისა და არასამთავრობოების დღევანდელ შეხვედრაზე ბუნებრივია ინფორმაციის გაცვლა მოხდა. როგორც ჩიხრაძემ აღნიშნა, ინფორმაციის გაცვლაზე ბევრად უფრო მნიშვნელოვანია ის სულისკვეთება, რომელიც ხალხში სუფევს.

„ხალხი მზად არის, რომ ის ძალიან მნიშვნელოვანი და საინტერესო მოქმედებები, რომელიც იყო წინა პერიოდში „ეს შენ გეხება“-ს ფორმატში იქნას ბევრად უფრო გააქტუალურებული და ადმინისტრაციაც ყველანაირად არის მოწადინებული და მომზადებული საიმისოდ, რომ ამ პროცესში მონაწილეობა მივიღოთ“, - განაცხადა ჩიხრაძემ.

მისივე თქმით, აღნიშნული ფაქტი სახელმწიფოებრიობას საფრთხეს უქმნის.

„ვფიქრობ, რომ მთელი საზოგადოების ვალია სწორედ ამ მიმართულებით ჩვენ ყველანი ვიყოთ აქტიურები. პრეზიდენტმა დღევანდელი შეხვედრით ეს თავისი აქტიურობა დაადასტურა. პრეზიდენტი და მისი ადმინისტრაცია, ყველანი მზად ვართ ამ ბრძოლაში ვიყოთ ძალიან შეუპოვრები“, - განაცხადა ჩიხრაძემ.

მისივე თქმით, შეხვედრაზე საუბარი კონკრეტულ მექანიზმებზეც იყო. როგორც პრეზიდენტის მრჩეველმა განმარტა, საუბარი იყო იმაზე თუ როგორ შეიძლება პრევენციული ბრძოლა ჩამოყალიბდეს.

მისივე თქმით, კანონმდებლობა ამ მიმართულებით აუცილებლად უნდა გამკაცრდეს. საუბარი იყო იმაზეც, თუ როგორ შეიძლება ამოქმედდეს დაბლოკვის მექანიზმი ასეთი ინფორმაციის განთავსების შემთხვევაში.

„საკითხთა საკითხი არის ის, რომ საზოგადოება იყოს აბსოლუტურად შეუგუებელი ამ ტიპის ინფორმაციისადმი. ჩვენ გამოვუცხადებთ თანადგომას ყველა იმ ადამიანს, ვინც შეიძლება ასეთი ტიპის შანტაჟის მსხვერპლი გახდეს“, - განაცხადა ჩიხრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან