სოციალურ ქსელში  პირადი ცხოვრების ამსახველი მორიგი ვიდეოკადრები გავრცელდა. ამჯერად ვიდეოში ასახული პირების სახეები დაფარულია.

ვიდეოს განარტებაში ნათქვამია: „წადით პოლიტიკიდან და არ დაიდება კადრები თუ არადა და ელოდეთ შემდეგ სერიებს“.

ვიდეომასალა facebook-ში სმს-გზავნილის სახით ჟურნალისტ მაკა რაზმაძეს მიუვიდა. ჟურნალისტი სოციალურ ქსელში წერს:

„ისევ მომივიდა ინბოქსში გზავნილი ანონიმისგან. არ ვიცი ვინ ხართ და რატომ აკეთებთ ამას,მაგრამ მინდა იცოდეთ,რომ ამით მხოლოდ იმას მიაღწევთ -ადამიანებს გაუმძაფრებთ დაუცველობის გრძნობას, შანტაჟს და ტერორს სიკეთე ჯერ არასდროს არავისთვის მოუტანია. რაც უნდა კეთშობილურ მიზანს ამოაფაროთ - შანტაჟი შანტაჟია და ტერორი ტერორად დარჩება.

მოგიწოდებთ შეწყვიტოთ ეს საშინელება!!“ - წერს მაკა რაზმაძე.

ცნობისთვის, პარასკევს სოციალურ ქსელში პირველი კადრები გავრცელდა. ვიდეოში ერთ-ერთი ოპოზიციონერი პოლიტიკოსის პირადი ცხოვრება იყო ასახული. 

პროკურატურამ პირადი ცხოვრების ამსახველი კადრების გავრცელებაზე გამოძიება დაიწყო. გამოძიება სისხლის სამართლის კოდექსის 157-ე მუხლის მე-2 ნაწილით გათვალისწინებული დანაშაულის ნიშნებით მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს