2025-03-31 19:46:44, 908 ნახვა
მსოფლიო
გიტანას ნაუსედა - ლიეტუვაში რამდენიმე დღის წინ დაკარგული სამი ამერიკელი ჯარისკაცის ცხედარი იპოვეს
ლიეტუვაში დაკარგული სამი ამერიკელი ჯარისკაცის ცხედარი იპოვეს. ამის შესახებ ინფორმაციას ლიეტუვის პრეზიდენტი, გიტანას ნაუსედა სოციალურ პლატფორმა X-ზე ავრცელებს.
„ლიეტუვაში აშშ-ის ხელმძღვანელობით მიმდინარე წვრთნების დროს სამი ამერიკელი ჯარისკაცის ტრაგიკული დაღუპვის შესახებ ამბავი ღრმა მწუხარებით შევიტყვე. სამძებრო-სამაშველო ოპერაცია იქამდე გაგრძელდება, სანამ მეოთხე ჯარისკაცს არ იპოვიან“, - წერს გიტანას ნაუსედა.
შეგახსენებთ, გასულ კვირას ლიეტუვაში, სამხედრო წვრთნების დროს ჯავშანმაქანა, რომელშიც 4 ამერიკელი ჯარისკაცი იმყოფებოდა, ჭაობში ჩავარდა.
ავტორი: ექსპრესნიუსი,
epn.ge (@expressnews.ge)
